港爸騷機票「打卡」全家遭整蠱　機位打散晒、改食猶太餐　網民：冇取消已經好好

【有線新聞】不少去人旅行都喜歡在「禁區登機柱」前打卡留念，但影相之餘保護個人資料都好重要，一不小心隨時機票都被取消！有港人家庭日前到日本旅行，在回程登機時發現原先選好的座位及餐點都被人更改，正當事主質疑被航空公司「惡搞」之際，才發現原來是出發前持機票影相放上網惹禍。

港人出遊被改機位餐點　疑騷機票自拍惹禍

近日有港人家庭在社交平台發文，指回程在網上預辦登機時發現，本身選好一家人連坐的座位被打散分開坐，餐點亦被改成「猶太教餐」及「糖尿病飲食餐」，事主怒言「唔知係國泰整我定我俾人整蠱」。有網民之後在帖文下留言提醒，懷疑是事主之前帖文中的機場自拍照有關，該帖有一張一家四口出發前手持登機證的合照，惟沒有遮蓋機票上的個人資料，懷疑被人有機可乘「整蠱」，事主事後亦已刪除帖文。

網民：蠢過DSE影barcode　籲好好保護個人資料

事件惹來網上熱烈討論，有網民批評留言大多指責事主，有人亦質疑有關行為會否觸犯法例，「最恐怖我見有班人係鬧個老豆，唔係鬧改人資料嘅人」、「事主係蠢，但改人機票心地唔好，你可以提佢刪帖，但唔好搞人」、「我驚國泰日後改制加強驗證，真係要取消或改餐，有需要嘅客到時做多一層手續」。

有人認為事主自身行為都有問題，「咁大年紀唔識保護私隱、六年無揸車仲要緊張到吸曬成支哮喘藥都要喺日本繼續自駕，簡單啲嚟講就係，將social media當私人日記呃attention之後出事」、又稱「一家大細去日本自駕，當人地國家係練車場，仲要揸到屋企人面青口唇白又喊哂口，佢自己仲好似好開心咁。」

有人直言「影登機證唔遮資料，基本上係蠢過DSE影barcode」、「保護自己私隱好基本，有啲人係未見過鬼唔怕黑，呢個教訓已經算小」，更有人笑言「嗰個人冇幫佢cancel booking 好好啦」。有網民則表示，希望大家都學識保護個人資料，唔好發生同類事件。