屯門站女廁9個廁格7個上鎖　網民急尿苦候8分鐘始知中伏　清潔工疑「蛇王」扮唔知

【有線新聞】人有三急最怕遇上廁所「大排長龍」。近日有網民在社交平台發文，怒轟港鐵屯門站出現離譜一幕，站內女廁9個廁格中，竟有7格被上鎖。事主與其他乘客苦候多時，揭發廁格內根本無人，更拍片與清潔工對質。事件引發網民熱議，不少人質疑清潔工為求「做少啲」而故意鎖門。

事主：見影相先肯攞鎖匙開門

有網民在社交平台上載影片並發文講述經過，指晚上9時許在屯門站女廁排隊，發覺前面女子進入廁格後，輪候多時仍無廁格空出。據事主描述，她與另一名女子排隊苦候約8分鐘，待事主上完廁所離開廁格時，仍見同一人正在排隊等候，對方稱感到奇怪，為何「等極都冇人出嚟」。

事主於是與該名女子逐格敲門，確認7個廁格全部無人回應，但門全被鎖上。事主又指控在場清潔工初時疑似「博懵」，但見事主舉機拍攝後，「佢即刻攞返條鎖匙出嚟開」。事主直斥情況荒謬，「真係想問可以咁樣鎖住唔俾人去？唔想清潔就要鎖住？」

網民炮轟薪水小偷　促嚴正處理

帖文一出隨即引起網民熱議，不少人批評清潔工行為缺德，形容此舉如同「薪水小偷」。有網民指出類似情況愈趨普遍，「呢個真係要大推，越嚟越多廁格上鎖，我真係以為係壞咗，原來係阿姐偷懶」、「女廁條龍真係可以好長」。有網民諷刺指「同港鐵講，清潔部出九分之二人工就得」；有人亦建議直接向港鐵總公司投訴，要求解僱涉事員工或處分外判清潔公司。