車CAM片｜灣仔男童衝馬路捱撞 起身「再衝」惹熱議 網民：個老竇應該要拉
【有線新聞】灣仔皇后大道東近太原街近日發生一宗交通意外，一名身穿運動服、背着書包的男童突然衝出馬路，被東行私家車撞倒。男童當場倒地翻滾，但隨即自行起身拾起鞋子跑回行人路。事發影片（見文末）在網上流傳，與男童同行的男子反應惹網民熱議。
司機主動送男童入院 網民：淨踩brake值得讚
據了解，事發於本月10日傍晚6時許，男童從灣仔舊郵政局一側衝出馬路，同行男子在後未及阻攔。車cam群組上載的影片可見，涉事白色私家車司機及時剎車，但男童亦被輕微撞飛，幸受傷不算嚴重，但同行男子事後卻嚇呆數秒，亦未有急忙察看男童傷勢。
據報司機其後主動將男童送往醫院治理，並報警處理。流傳的片段引起廣泛討論，許多市民認為男童幸運，司機反應敏捷，避免了更嚴重後果，「留意返佢起返身之後，都係冇睇馬路，仍然繼續衝……」、「如果後面嗰個係佢老竇，應該要拉佢疏忽照顧」、「後面個佢老豆？完全唔緊張咁樣」、「司機無扭軚剩（淨）係踩brake，值得讚」、「如果係重型車，個細路應該…」
