有片｜荃灣海濱街車童黨橫行 拍片自爆「掟長者」 網民號召組隊「鐵拳教育」
【有線新聞】網上流傳多段童黨「撩是鬥非」影片，可見一群騎街車（又稱子彈仔）的男童用垃圾或水彈擲向多名長者，更拍片放上網，遭看不過眼的網友轉貼「公審」，引起網民關注。
主觀自拍撩事鬥非 至少三名長者受害
涉事相關短片可見至少有三名長者受害，其中一段顯示發生在荃灣海濱，一名男衣男子在單車徑上散步，拍片的男童踩車靠近他背後，然後向他擲垃圾。男子受驚後望向一眾踩子彈仔男童，但他們都「開懷地笑」，似乎很滿意自己的所作所為。
另兩條影片則可見一眾童踩車直入荃灣公園，雖然片段未能呈現前因後果，但一名拿傘男長者似乎與童黨已曾有口角，連返喝叫「你掟呀，你掟呀，我報警。」，帶頭的黑衣男童手拿疑似水彈，向對方擲去，而當時公園內有不少街坊都有目擊經過。另有影片以主觀角度拍下與一名女長者口角，拍片者用水樽潑水淋濕對方，令女長者頓時大怒。
網民：呢幾年先有 街坊報警都冇用
有當區網民直言並非第一次，「呢班ＸＸ日Ｘ日係到聊事鬥非，肆無忌憚踩上行人路，住左荃灣咁多年真係近呢幾年先有呢班人渣走出黎，晚晚影響哂荃灣海旁既人，人未到喇叭聲先到，要散步既行人讓佢地，夜晚好多人跑步散步根本好滋擾，起左個大公園之後直程見到啲子彈仔蝦細路。」
另有網民指「佢哋唔驚㗎，好多街坊成日報警，佢哋俾警察訓話完，第二日呢班細路仲癲！反叛嘅死𡃁仔，睇吓佢哋夠唔夠膽咁樣攪啲公仔佬大隻佬」，有人留言「暫時見到佢哋只恰老人家」、「欺善怕惡嘅垃圾，專恰老人家」，「拍片嗰個擺咗咁多片上網都冇人起到底」、「雖然單車徑唔畀人行，但其他個人幾段片係咩」，亦有網民號召「鐵拳教育」，「荃灣友，組隊捉呢班𡃁仔！」、「呢度唔係揭陽，唔會有人包庇佢哋！」
