有片｜葵涌冰室沙嗲牛外賣 驚現「係咁郁」初生鼠B 網民：唔似意外跌落去
【有線新聞】打工仔午飯嗌外賣最怕「畀人加料」，網上就流傳一段影片（見文末），事主光顧葵涌一間工廈冰室，自取沙嗲牛米粉常餐外賣，但當中竟驚現老鼠胎，而且更相當生猛，畫面駭人。
事主在網上群組上傳兩段短片，指光顧的是葵涌華星工業大廈的地下冰室，形容「活生生的老鼠Baby在舞蹈」，指已就此上報食環暑。影片當中可見該老鼠胎「躺在」沙嗲汁邊上，四肢、頭部不斷小幅度擺動，片中可聽到兩名女子表示「大癲呀呢單嘢」、「痴線㗎，真係要投訴」、「嚇死我呀，真係好驚！」、「好似啱啱出世呀！」，拍片男子則問：「呢間咩嚟？」
「驟眼睇成個人仔咁嘅」、「望到想嘔！仲郁……」、「我淨係覺得隻baby 好可憐，出世無耐就要俾啲高溫嘅咖哩汁淥佢」，網民直指影片相當誇張，「仲生勾勾，廚房睇唔到嗰下癲」、「人哋一潷起直接冚蓋，做外賣快手快腳唔知道唔出奇」、「個汁咁熱，初生B到打開盒仲甘生猛，一定有古怪」、「老鼠一次生幾多胎？唔似意外跌落去……」、「似係員工報復個老細，整壇嘢出嚟」。
