年長鄰居「扮散步」𥄫入屋 兩女父求助：好唔舒服 網民紛紛獻計
【有線新聞】以往公屋鄰里關係和睦，不少住戶都不會把木門關上，一來方便鄰居「串門」，二來有助通風，但近日有事主發現一名年老鄰居路過他家門時，都會習慣性探頭望入屋內，被發現後卻強詞狡辯只是散步。由於事主家中有兩名女兒，因此在網上求助。
曾問對方原因 神智清醒唔覺有病
事主上傳多段標示不同日子的影片，可見該名年長男鄰居經過他家門，都會特意靠近鐵閘，探頭望入屋內，直言「望一兩眼唔係問題，持續係咁望好唔舒服，問佢有冇嘢唔見，想知想問想講，又唔應我，佢神智清醒，又唔覺佢有咩病有咩問題？」
事主指對方被發現後稱是散步，「我比左鏡頭佢睇，（佢）開始問候我媽，仲想郁手打人，係咁話散步，叫我報警。我想問佢咁樣望入人屋企，如是你地會接受到？我好想關門，但日頭想開木門通下風」事。
擔心兩女兒安全 或違遊蕩罪可報警
有網民留言問及「屋有後生女家人？」，事主回覆稱「有啊，2個，所以比較擔心」、「屋企有2個女住，有內衣褲掛左係窗上面」。網民紛紛獻計：「下次整隻貞子面具掛喺鐵閘度吖嘛」、「裝塊大鏡對住大門，再裝盞感應燈等佢一望就會着燈，包佢嚇死」、「掛啲野係門口引佢偷，然後報警拉佢」、「整塊布唔難嘅」，事主稱家住一樓，好熱焗，「加塊布等於冇開到」，指再有發現就會告之管理處或對方家人，「真係搞唔掂，會考慮報警」。
跟據《刑事罪行條例》「遊蕩罪」，任何人在公眾地方或建築物的共用部分遊蕩，不論單獨或結伴在該處出現，而導致他人合理地擔心本身的安全或利益，即屬犯罪，一經定罪，可處監禁2年。
