呻母親日夜追洗腦AI短劇　網民訴苦引共鳴：原來大家老竇老母都係咁

【有線新聞】內地AI微短劇大行其道，社交平台Threads近日有網民大吐苦水，指其母親近三個月沉迷收看內地AI短劇，每日瘋狂煲劇13至15小時，形容「好似吸毒咁沉迷咗落去」，故此向網民求助，希能集思廣益令她醒覺。結果帖文一出即引來極大共鳴，大批網民紛紛留言慨嘆身同感受，有人甚至表示母親沉迷到廢寢忘餐，令樓主不禁謂「原來全香港嘅老豆老母都係咁」。

樓主轟AI短劇成「精神鴉片」

該名網民在網上發文，指母親自幾個月前開始接觸到內地AI短劇後便一發不可收拾，「每日朝早起身第一件事，到夜晚合埋雙眼之前，都係要睇嗰啲窮小子逆襲一夜致富微短劇，由現代背景到古裝，一日至少13至15個鐘」，無論飲茶食飯、煮飯、洗衫甚至連「痾屎」，耳機都永遠不離身，「每日個耳機就好似助聽器咁永遠都除唔到落嚟」。

樓主稱曾多次勸諭母親，「我話呢啲係精神鴉片，係AI毒藥，佢都唔覺得有問題。」樓主亦質疑AI短劇劇情重複，演員全是重複的AI面孔，認為母親只是喜歡那種掌握一切及預知萬物的感覺，深感這種不健康行為會令思想變差，更發文向網民求助「點樣令佢醒」。

帖文曝光後迅速引起熱議，有網民留言指其「三大長老」皆有相同情況，另有網民表示除了母親，阿姨亦一樣「出晒事」，更指「我媽可以唔食飯唔訓覺。十幾年前日鬧夜鬧戴耳機耳聾，但十幾年前降噪未有咁勁，阿媽一落街就戴住，好X危險。」有網民也謂，母親自七月開始沉迷，因長期機不離手、維持固定姿勢煲劇，疑因此導致頸部血管收窄、引發急性腦缺血中風需緊急送院，形容情況宛如送入戒毒所。有網民也直言「我老母睇一次我鬧佢一次」、「而家反而寧願佢哋由朝到晚玩麻雀game好過」。

不過，亦有網民認為長者生活沉悶，看短劇只為尋求娛樂消遣，不必過分干涉，「你咁做同啲家長唔畀小朋友睇卡通片有咩分别，人哋鍾意睇得開心就得」、「可能佢寂寞！我都係人老母，我都有睇，但唔好沉迷，我會每日都要做運動去保持體力。」

產業規模上半年突破220億

AI短劇近年迎來大受歡迎。行業研究機構DataEye早前公佈的《2026上半年AI劇漫劇數據報告》顯示，今年1月至5月國內AI劇漫劇市場規模已突破220億元人民幣，全年有望衝擊400億元大關，按年大幅增長138%；同期用戶規模更突破6億大關。

抖音原生AI短劇數據顯示，今年1月至6月新增AI短劇總計達22.19萬部，其中1,055部播放量破億，新增播放量高達5157.38億。隨着AI技術成熟，6月的供給結構更發生變化，AI仿真人劇目的目數佔比已超70%。

專家警告長時間收看恐削弱深度思考能力

對於短劇為何能令人上癮並引發各界擔憂，據內地傳媒報道，浙江中醫藥大學附屬第二醫院臨床心理科副主任鄒瑩指，短劇靠密集反轉與持續「鉤子」不斷刺激大腦分泌多巴胺。長時間收看會透支多巴胺儲備，導致轉看書或處理複雜工作時容易疲憊、反應變慢。雖然這屬於認知能力暫時下滑，大腦本身無器質性損傷，休息後可恢復，但長期習慣幾秒一個爽點的強刺激，會令大腦難以適應平淡、需要耐性的內容，難以沉下心做深度思考。