「N車」凌晨2點九龍灣行錯路 車長道歉、乘客幫帶路 網民：呢啲先係香港
【有線新聞】俗語「錯就要認」說得好，有網民近日分享一段搭巴士經歷，指車長凌晨時份駛錯路，而且不懂得如個駛回，只好向乘客道歉，由於「態度誠懇」，有乘客挺身而出教導他駛回正確路上，雖然車上人人都歸心似箭，但都「冇人發脾氣」，大讚「覺得幾有愛」。
指司機態度誠懇 事主：大家都好有禮
事主在社交平台上傳短片（見文末），指當晚乘坐「N車」（通宵巴士），「嗰時大概凌晨2:30，司機行錯咗路，但佢都馬上同我哋道歉，並且承認自己唔知點樣行返去，有客叫佢飛咗個站，但係因為有好多人要喺嗰個站落車，所以有幾個乘客就主動教佢點樣行返去」。
片中可見事發在九龍灣，一名男乘客教導車長如何行駛，二人態度都相當平靜客氣。事主又表示「感覺到大家雖然無奈，但司機態度誠懇，最後都為麻煩到各位而再道歉，所以大家都好有禮，期間冇人發脾氣，冇人有不滿嘅聲音，覺得幾有愛。」
態度好會體諒 網民：都係想解決問題
貼文引來超過一萬個讚好，不少網民都大讚「包容體諒，態度正確」，直言「其實香港人大多在意態度，只要態度好、誠懇，大多數情況下都會體諒」、「真正香港人係想解決問題，唔會想制造更多問題」、「作出錯每個人都可能會遇到，最緊要係態度正確」、「因為半夜的巴士冇內地人，全部基層打工仔，知道什麼叫理解與體諒」、「錯就認，道歉就係咁簡單」、「真誠道歉，好緊要」、「認錯而且唔會唔識又死撐，通常香港人都會幫拖」、「呢啲先係香港！」
