天氣轉涼家長要求提早換季被拒　校方稱「頂埋星期二回暖」　網民批僵化：學生健康緊要過校服吧！

【有線新聞】本港今日天氣明顯轉涼，清晨更錄得最低17.5度，創今年入秋以來新低，不少市民外出都穿上外套保暖。但社交平台流傳截圖，有家長因天氣轉冷向學校查詢能否讓學生提早換季，卻獲回覆「不可提早喔」、「頂埋星期二」，引起網民熱烈討論，有人批評學校墨守成規，認為應以學生為本；亦有網民認為「17度唔算好凍，加件外套冷衫都可以了。」

有網民在社交平台threads分享對話截圖，可見有家長向學校查詢「今日16度可以提早換季嗎？」校方則回覆指「不可提早喔」，並補充「衛衣是冬季校服之一，所以未換季就不能着」。另一張截圖亦可見校方在對話中建議，若學生怕冷又未換季，可在夏季校服內穿上貼身保暖內衣打底，再在外面加穿學校的藍色防風外套。校方更附上天氣預報截圖，稱「頂埋星期二就回暖」。

網民：規矩係死嘅

發帖網民直言「呢啲咁嘅學校真係黐X線」。帖文也隨即引來大批網民熱議，不少人批評校規僵化離地，認為規矩應因時制宜，「規矩係死嘅，學生健康重要過校服規定呢啲嘢吧」、「難道天氣都要等學校正式宣布換季，先至可以轉涼？……學校成日教學生要懂得靈活應變、獨立思考，但自己連學生着多件衫咁簡單嘅事，都唔識得變通」。

有網民則表示，「（學生）冇得換OK，但係你班老師唔好一個二個着晒啲羽絨返學，跟住喺度話其實唔凍」、「應該規定老師都要有制服，同啲學生一樣分夏季冬季。」另有多名網民支持照讓子女穿保暖衣物上學，「照着啦，病咗佢畀錢我睇醫生？」、「我着咗返去，唔通你叫我除？…凍就着衫 熱就除衫㗎啦！」

有學校准穿便服獲讚「真關愛」

亦有網民分享其子女就讀學校的做法作對比，校方稱因校服供應商未能及時派發冬季校服，鑑於天氣轉涼，主動通知未有校服的學生可穿便服回校，獲讚「真關愛、不離地」。另有網民提到，過往學校均設有兩星期左右的「換季過渡期」，容許學生按個人體感選擇穿著夏季或冬季校服。