法網｜衛冕艾卡拉斯打入八強　鄭欽文擊敗森遜諾娃晉級鬥「一姐」

【有線新聞】法國網球公開賽，衛冕的艾卡拉斯打入男單八強。
間條衫的艾卡拉斯面對舒爾頓，首盤就打超過1小時，底線對拉、互保發球局下打到決勝局，艾卡拉斯細分贏10比8。展示體育精神，這位二號種子明明有機會得分，網前打到球拍飛脫，成功回過網。不過艾卡拉斯「自首」，指擊球時球拍已不在手中，按賽例改判舒爾頓得分。光明正大自己拿下這一盤，艾卡拉斯3平手下連贏3局，以6比3拉開盤數。兩個22歲球手青春無敵，爆炸力、活力兼備，艾卡拉斯網前刁鑽反手，舒爾頓追到拗腰打板大斜線，6比4追回一盤，容他沾沾自喜一下。艾卡拉斯轉轉打法，收力放短球，第3局把握破發機會。優勢帶到尾，歷來第3次交手保持全勝，第四盤贏6比4，盤數3比1過關，8強對另一位美國球手湯美保羅。
女單16強，紫色裙的鄭欽文擊敗森遜諾娃，首盤鬥到決勝局，細分贏7比5。去年在同一場地贏得巴黎奧運金牌，法國再成為福地，被追回一盤6比1。鄭欽文都在第三盤把握兩次破發機會，贏多盤6比3，成為李娜之後第二位中國球手打入法網8強，會鬥「一姐」莎芭蓮卡。藍衫的莎芭蓮卡就繼續晉級過程不失一盤，以7比5、6比3淘汰安妮絲慕娃。