世冠盃｜祖雲達斯5比0大勝艾阿恩　曼城2比0挫韋達卡薩白蘭卡

【有線新聞】世界冠軍球會盃G組，曼城以2比0擊敗韋達卡薩白蘭卡，祖雲達斯就大勝艾阿恩5比0。

灰衫祖雲達斯，高路梅安尼跳得，11分鐘就頂入。干斯卡奧扭得，10分鐘後幾個圍住起腳，省中人改變方向入。再過10分鐘，尤迪斯射得，遠射中柱入。基夫倫杜林交得，長傳找到高路梅安尼，入得了，個人今場第2球，半場4比0。都說了干斯卡奧扭得，換邊後入多球，淨勝5球完場。

粉藍衫曼城兩球淨勝韋達卡薩白蘭卡，新兵雷恩達斯及卓基擔正都未及舊人霍頓搶鏡，兩分鐘領先。角球助攻，杜古尾柱接應，42分鐘2比0。換邊後，域高李維士鏟球領紅牌。球證角度近看，李維士踢中頭。曼城88分鐘踢少個，維持贏2比0。

轉看H組，沙比阿朗素回巢，首次領軍白衫皇家馬德里被希拉爾逼和。右腳撞左腳再撞右腳，干沙路加西亞入就得了，34分鐘領先。魯賓尼維斯射入12碼，希拉爾7分鐘後追和。換邊後皇馬錯失贏波機會，華維迪補時兩分鐘宴客，1比1完場。