名校面試班靠鬧「特訓」幼童　網民轟「埋下欺凌種子」　導師：玻璃心別報名

【有線新聞】教育方式每個家庭都不同，但很多都是以「望子成龍」為目標，因此坊間湧現各式名校面試培訓班，務求在起跑線上站於「更好位置」。網上就流傳數段名校面試班影片，卻可見「導師」以責罵、批評方式來指導孩童，引發網民熱議，認為言辭尖酸刻薄，但有個別家長卻表示認同。

導師：喂咩事呀，未試過有班同學做得咁差

據FB帳號「生仔要考牌系列」、「打擊自信技巧班」群組上傳的多條影片可見，每堂培訓班約有十位左右幼童參加，導師會批評「喂咩事呀呢班同學，我未試過有班同學做得咁差架喎？」、「出門口仲講早晨？諗都諗到啦……出門口係講咩？（幼童：拜拜）咁咪係囉小朋友。嗱，（你哋）做得好差吓」，更提醒幼童們「面試喺冇（得睇筆記）」。

另一段影片則聽到有幼童已經在哭泣，該導師直言：「冷靜未呀？你喊乜嘢呀？呀……起身啦都，唔知你點樣生活呀咁樣？」、「小學又喊，日日都喊，冷靜未呀？我都係嗰句，你再喊真係唔好嚟喇」、「我點幫你啫究竟？我真係對你最後一次警告喇吓，你喊足十幾堂喇已經，我知你咩原因喊，今日係最後一堂，OK？」

網民直言填鴨式教育　「家校合作一齊谷」

影片隨即引起網民熱議，有人認為家長外判家教責任，「技巧教唔教得識，睇唔到，但欺凌嘅種子已經埋下」、「如果小朋友接受到呢啲教育方式，可能平時屋企都係咁……其實小朋友見到老師咁罵人，亦可能會有樣學樣，或者將來見到呢啲唔公義嘅事情唔敢出聲。但咁樣真係好咩？」、「其實講早晨、拜拜，唔係應該由父母自小教導咩？點解面試班要教呢d低智野？而家d父母真係要考牌喎！」

有網民則指出是本港教育體制問題，「睇左幾條片，發現好不幸，好多直私學校就係要收呢d經過『特訓』嘅學生，坐到直一直，聽指令、考記憶。」、「響賺錢角度，佢冇錯，家長角度，又真係幫到自己仔女入直私有得威……『家校合作』一齊谷」、「我好認同佢之所以咁紅，完全係班家長支持出黎」，直言是本港「填鴨式教育」的極致。

委託律師：結果最重要　前DJ籲家長們反思

涉事導師一度在網上發文回應，指家長們都知道班上要求「比較嚴格」，「畢竟希望小朋友在足夠甚至超越的裝備下去面對激烈的競爭」，認為「不能接受現實」的家長「玻璃心的話」可以報別的培訓班，「因為我真的不想花太多時間去磨合」。有律師事務所則表示已接獲委託，指有人擅自發放經過剪輯的課堂片段，抹黑、起底、斷章取義，強調「本所客戶面試班的同學最終有相當高的比率獲心儀學校取錄，因此，好的結果還是最重要」，表明保留追究權利。

前DJ麻利亦有發表意見，直言以往工作都見到「好多成年人受傷嘅位置就响童年」，指小朋友好純真，「你話佢好差，佢就會覺得自己好差」，質問「做乜要細路派位幫你追業績」，呼籲家長們反思「點解佢哋開始大嘅時候，你對佢嘅愛就越來越多條件？」（意指成績等），希望還小朋友快樂健康成長。