方型買餸車「惠己累人」　網傳將軍澳綠Van下封殺令　網民：要用就搭巴士

【有線新聞】近年買餸車款式越來越多，用起來相當方便，但有時可能是「方便自己，麻煩別人」，近日FB群組圖文直指將軍澳有專線小巴（綠Van）貼出通告，禁止方型買餸車登車，引發網民熱議。

稱避免阻塞通道　只容許較薄手拉車仔

據「將軍澳 • 日出康城 | TKO • LOHAS PARK」群組網貼，發貼者指「今日搭小巴見到司機同乘客僵持爭拗，原來小巴而家唔准上四方箱買餸車，買餸嘅街坊留意」。通告中表明因為車廂內空間有限，避免阻塞通道，只容許較薄手拉車仔，「大型行李喼／購物車一律不可上車」。

「見過坐第三排單邊位，但將架坦克車放路中間，啲人都唔知點入去！司機叫佢坐尾位又唔肯。好阻礙人。」、「早就應該，牙牙咋咋阻地方，一個上車成車人唔洗行」，有網民更直指初見正方形買餸車，已經叫做自私車，「因為呢款車摺埋放家好慳位，但打開後佔位多，無論上乜嘢車特別阻到人」、「我用果架都唔會上小巴，只搭巴士，路太窄同埋上落太麻煩」、「用得坐車頭車尾係常識」。