荷甲｜阿積士2比0擊敗飛燕諾

【有線新聞】荷甲，阿積士主場2比0擊敗飛燕諾。

紅白衫阿積士卡拉臣禁區外拉弓，勁射入網，13分鐘有個好開始，不過就樂極忘形，跟隊友慶祝完眼角流血。暫代主帥基姆領軍，聯賽加歐聯，今個月4戰全勝。阿積士換邊後一度受壓，上田綺世單刀，僅僅柱邊出界。米卡葛斯帶入禁區反擊，同樣差少少。

對上兩次國家打吡，阿積士都贏，今次都笑到最後。莫基奧左腳一抽，門將撲到都入，補時4分鐘奠定勝局，贏2比0。阿積士升上第三，跟第二的飛燕諾追剩5分。