德甲｜多蒙特2比1禾夫斯堡　慕遜加柏1比1利華古遜

【有線新聞】德甲，多蒙特作客2比1擊敗禾夫斯堡。

「蜜蜂兵」高空攻勢順理成章，白蘭特頂入，黃白衫多蒙特38分鐘領先。聯賽對上四戰全勝，走勢繼續強勁，近柱一批，撲到都入。換邊後，輸回個頭槌，52分鐘1比1。禾夫斯堡為護級奮鬥，對上6場得4分，全部來自降班區的聖保利、海登咸、高利亞拉基斯。急勁頭槌，一度都有1分落袋。

爭標份子多蒙特87分鐘再入一球，菲歷斯尼美查艱苦推進至禁區，給古拉斯領功，射近柱入網。多蒙特贏2比1排第二，追擊連續兩場失分的拜仁，暫時落後榜首3分。

藍衫的利華古遜作客失分，門將巴斯韋治這樣傳球害隊友。今季第二次正選把關，撲到慕遜加柏第一球都無用，被安祖赫特補中，利華古遜10分鐘落後。1月中連輸兩場，月尾就兩連勝，不過對面慕遜加柏一樣飄忽，今場各有犯錯，打和吧。菲臘辛達解圍失誤，44分鐘「烏龍波」，1比1完場。