質疑店員歧視性收$150「低消」　小紅書女掟$120走人：本人就是沒素質遊客

【有線新聞】本港不少咖啡店都設有「最低消費」，在容許客人「久坐嘆啡」之餘保障店方收入，以免吸引貪便宜的人「齋坐唔幫襯」，但對於不了解最低消費文化的外地遊客而言，卻可能引起「濫收費」的誤解，有內地旅客就在小紅書發文質疑遭差別待遇，拒付最低消費之餘，更發文公審店方，引起網民熱議。

爭執後掟錢走人　「多送五元小費不客氣」

事主在小紅書發文，指一行三個人進店買了一個$115的抹茶冰，「結賬時說人均50，要麼付150離店要麼再買咖啡帶走」，但「就餐全程對面兩個港女0消費，免費紙杯喝個不停+電腦平板做作業…」，不好意思哈本人就是一位沒素質大陸遊客，不慣着（意指不會遷就）一點，扔下120hkd直接離去，多送五元小費呢不客氣」。

貼文引起網民討論，大多都表示香港的「最低消費」文化並非隱藏收費，店員一定會事先說明，又或在餐牌上清楚告知，「歧視？我香港人喺香港一樣待遇。我都試過好樣衰咁睇唔到有低消……咁我咪道歉+主動提出補夠錢囉」，另有網民認出涉事咖啡店，指「手機落單一定有寫最低消費」，又指鄰座港女可能「食完俾人收左，但隔離檯既野關佢咩事」，「作爲港女從來未試過可以齋坐唔嗌嘢嘅待」。

職員發文還原經過　「落單提醒仲話ok」

有自稱職員則發文，指「我有喺佢哋落單嗰刻就已經提醒佢哋低消50/人 佢哋好正常咁話ok我哋再睇下有咩嗌，後面我見佢哋連個冰都食完，就再過去問佢哋，因為佢哋仲未埋單，結果就開始嘈，後面$115嘅冰抌低$120，仲話剩低嗰啲當小費唔使找了」，解釋對面兩個港女「係學生妹，已經食完，我見佢哋要溫書所以幫佢哋收起咗個冰，唔存在零消費嘅問題」。