沙特聯｜艾納斯補時失烏龍球　錯過提前奪標機會

【有線新聞】沙特職業足球聯賽，艾納斯補時失個「烏龍波」，跟希拉爾踢成1比1，未能提前奪標。

艾納斯門將賓圖先當功臣，最後變罪人，出迎用腳擋到賓施馬。聯賽16連勝，月初才告一段落，總不能一場就抹殺所有功勞。領先踢少1場的希拉爾5分，艾納斯勝出這場榜首大戰就提前一輪奪標，37分鐘半個獎盃到手。門前混戰，施馬簡掃入網。C朗拿度加盟3年多，首個冠軍要再等等。去年8月香港大球場互射12碼落敗，沙特超級盃屈居第二，希拉爾這下幾乎將聯賽冠軍送到腳邊。高文截到，單刀中柱，埋下失分伏線。

補時補8分鐘，踢到97分48秒才失「烏龍球」，難以置信。被隊友撞一撞，賓圖甩手，跣了皮球入網，兩隊踢成1比1。要寄望希拉爾最後兩輪其中一場失分，或艾納斯最後一場贏達馬克FC，冠軍機會仍然樂觀，只是要點時間接受。