車CAM片｜巴士迷「霸路」突然衝出　司機收掣不及直撞　網民嘆：棋差一著

【有線新聞】巴士迷「衝出馬路意外」時有發生，長沙灣昨日（17日）少年追影巴士時未有察看路況，遭駛過私家車從後撞倒，事發車CAM片引起網民熱烈討論。

據了解，事發在昨日下午3時許，涉事16歲少年在長沙灣道怡靖苑對開追影巴士。網上流傳事發片段（見文末），當時十多名巴士迷佔據右方行車線，涉事私家車司機見狀，駛經時已有明顯減速，但手持「長炮」的白衣少年卻突然跑入中線，私家車收掣不及，從後撞飛少年。惟幸車速不快，少年未有嚴重受傷，其後自行起身。

「影少張相好似要攞佢哋命咁，有病」、「呢班友最鍾意喺馬路亂衝直撞，應該要佢賠」、「片主都已經收得好慢，香港法例或者法官係咪要檢討下相關法例呢。片主如果咁都俾人告危駕，咁要法例嚟做咩？」、「法例太落後保障唔到駕駛者！就今次為例，佢哋成班唔衝出嚟根本就唔會發生交通意外，被撞男仔望都唔望衝出嚟同自殺根本冇分別。」網民一面倒譴責巴士迷不顧安全，更累及其他道路使用者，「唉，慘在佢（司機）啱啱加返速條ＸＸ就衝咗出嚟，棋差一著，佢未過哂班ＸＸ就開始加速。」、「條片証明咗個司機不小心駕駛……」

影片連結