網傳的士司機「昏迷式駕駛」 全程狂舂眼瞓 網民分享恐怖經歷倡即時落車
【有線新聞】近年高齡商用車司機駕駛安全問題備受關注，近日網上流傳一段影片，可見一名年邁的士司機在駕駛期間疑似「舂眼瞓」，後座乘客全程飽受驚嚇，事後直言雖然明白長者年紀老邁仍要奔波養家實屬無奈，「但係我成家人條命喺佢手上，仲慘仲驚。」
樓主日前在社交平台Threads上傳一段長約13秒的影片，可見一名戴口罩的老翁駕駛的士相信是沿將軍澳隧道往九龍方向行駛，期間他雙手雖緊貼軚盤，但雙眼疑似睜不開，邊開邊睡，疲態畢露，頭部更不時向前晃動。樓主在文中無奈嘲諷：「你哋估吓佢係瞓着咗，定係隻眼細？」該網民隨後直言，「雖然年紀咁大都要養家好慘，但係我成家人條命喺佢手上，仲慘仲驚」，期望政府能夠立例監管的士司機年齡。
影片曝光後在各大社交平台掀起熱烈討論，不少網民認為司機行為危險，嘲諷道：「直情係盲開，盲摸摸咁係度完美示範昏迷式駕駛」、「一來隻眼細，二來真係有啲舂舂吓」。亦有網民指責樓主當時只顧錄影，未有即時叫醒司機，「你仲掛住影都犀利㗎啦，大大聲叫醒佢啦」。不過，有其他網民反駁指，若在行車途中突然大聲呼喝，可能會令司機受到過度驚嚇，反而容易釀成即時的交通意外，「大大聲嚇親佢可能即撞」、「叫佢又驚佢嚇親 唔叫佢又驚無命」。
更有網民分享恐怖經歷，指早前與父親在沙田截乘一輛的士前往荃灣，惟開車不足一分鐘，便發現該名年長司機不斷擰頭，行車路線飄忽，車輛更直接踏着兩條行車線行駛。該網民透過倒後鏡觀察，驚見司機的面部肌肉出現不受控制的抽搐及瘋狂眨眼。最為驚險的是，當的士駛出隧道後，司機竟開始垂下頭並瞇起雙眼，顯然已失去專注力，最終開聲要求提早下車。
另有網民認為同情年長司機迫於生計，「佢又慘，咁大年紀都要揸車搵食；做佢個客又慘，見到個司機太老，真係唔想上車搵命博」、「其實佢手上係揸住一個殺人武器，養家絕對唔係一個理由去將其他人的生命作為冒險」。有網民就建議，若乘客上車後發現司機狀態不妥，最理智的做法是要求司機立即停泊一邊，並盡快落車遠離危險，「唔好搵命博，下次見到呢啲高人司機真係唔好上」、「司機釣魚都唔係新鮮事，一係不停叫醒佢，播啲大聲音樂，一係就落車」。
