坑口湖南菜店員公然偷食 手勢純熟、同事冇反應 網民：應該係咁食先會拍到
【有線新聞】本港飲食業生意難做，隨著引入更多外地勞工，店舖管理都考起不少老闆。將軍澳坑口一間連鎖湖南土菜食店就有店員在出餐位「疑似偷食」，被食客當場拍下，引發網民熱議。
身穿黑色店員制服 食物快手放入口走開
據上傳影片的網民表示，「有人影到將軍澳坑口……農耕記湖南土菜啲外勞員工偷食客人餐，好彩我從來都無去」。影片可見涉事男子身穿黑色店員制服，正在出菜位低頭處理食物，一手折開一小節食物放入口，然後走開，身旁另一位員工似乎「見怪不怪」，絲毫沒有阻止的意圖。
影片引來網民熱議，有人直指「應該一直係咁偷食，食客先會一路拍住佢，等佢再出手」、「入面煮果個食完，到遞出去果個『打荷』食，然後先到呢條友食咋」，另有網民表示「有一次我見到佢啲廚師去完廁所唔洗手，就咁入返入去間舖頭，絕對唔會幫襯」、「唔係偷食，係明食」。
「打貓」屬潛規則 業內人：冇人會喺廳面做
有任飲食業的網民指「其實『打貓』呢樣嘢響存在咗唔知幾多百年，只不過以前冇手機影唔到俾你睇啫」、「做個高級餐廳嘅話你知，基本上每個員工都會食客人嘅嘢，只係唔會咁XX喺廳面做，一律只會喺BOH食」，有人直言：「老闆你睇到條片你會點做？點解你會請個白Ｘ癡嘅，偷食入廚房吖」。
也有不少網民幽默地表示：「員工偷食得，證明廚房衛生唔錯，啲料亦都冇問題」、「你睇吓隔籬班落番薯啲員工會唔會同你偷食」、「正面啲好冇？即係話啲嘢真係可以放入口，放心食啦」。有網民則提出「冇影到交俾食客喎，唔俾呢碟嘢係整俾員工食嗎？」、「吓，員工餐？有晒擺盤喎」。
