公屋奇景？「P牌」電單車入𨋢　疑運上樓慳泊車費　網民：80年代個個係咁

【有線新聞】政府早前加重違泊等交通罰則，有網民就拍下有「P牌」司機將整部電單車運入屋苑升降機，疑似要上樓停泊。這張「公屋奇景」照片引起網民熱議，不少人指拍攝者「少見多怪」，直言三十年前已很多人將「烈火戰車」運上樓，以免愛車泊街被盜，又指是公屋專利，因為升降機夠大，「80年代個個都係咁，有幾奇？」

有網民日前在社交平台專頁貼出照片，可見一名穿拖鞋男子將一輛掛「P牌」電單車，正運入升降機內，當時升降機還有其他使用者，直言「呢位師兄有料喎」。不過，該網民未描述經過全程，但相信該司機是要將電單車運上樓停泊，而從升降機大堂的設計及告示可見，事發地點很可能是在公屋屋苑。

網民反應兩極　《烈火戰車》成肇因？

「係咪公屋呀？如果係唔出奇wo」、「唔擺走廊冇問題！」照片引起網民熱議，但反應兩極，有網民指三十年前電影《烈火戰車》熱播，令同類NSR車款大受歡迎，見過有車主將愛駒運上樓以防被盜。亦有人指形容是為勢所逼，「車位唔夠，泊街又抄牌，泊樓下房屋處又鎖車」、「熄咗車聽講係物品嚟，點解唔可以帶物品返屋企？」、「如果把燃油抽晒出來，是合法可以的」，「少見多怪，我有幾個前輩以前250（250cc車款）都係咁防偷車」。

反對者則指「試過搵差佬，話冇野可以告，除非佢渣架車入lift」、「之前報過類似事件，呀律師話系唔合法嘅，可以投訴，甚至提告。」、「電單車又唔係電瓶車有咩好驚😳如果電瓶車我會即刻走，我唔想無啦啦碳化」。