不滿他人後上跑入𨋢　推嬰兒車港媽「公審」掀熱議　網民：難怪咁多人唔生仔

【有線新聞】地鐵關愛座「使用權」不時都會引起爭論，最近一單搭升降機「優先隊」風波亦引發網民關注，事緣有兩孩母推「雙座嬰兒車」沒足夠位置入升降機，責怪其他「後來居上」乘客，並且拍照放上網，引起議論應該是跟從排隊次序，還是依必要性來決定。

解畫稱午睡時間　帶生病兒子看醫生

「成架lift裏面都係有手有腳，正常行路嘅人，出車廂過嚟仲要係跑過嚟嫁」女事主在社交平台上傳兩張照片，只見她推著一輛「雙座嬰兒車」站在升降機，當時升降機內已幾乎站滿人，可見當中有不少中年老人，亦有個別較為年輕，一名男子更由她身旁跑入升降機。

女事主其後補充，指當時是孩子午睡時間，但其中一個兒子生病，所以才推著雙座嬰兒車帶同出去看醫生，「所以兩個都喺架車度瞓晒」，又指平時孩子出去都是自己行，強調「當你真係有需要用架lift，但係你後面（其他人）跑去你前面（入𨋢），感受會係點？」，又形容跑入𨋢的人是「老廢」。

網民看法兩極　批評者：食得咸魚抵得渴

有網民表明不認同事主，「如果你排先，啲人打你尖，係啲人無教養，但如果啲人係你去到之前已經入咗，啲位唔夠你入，人地入𨋢咁有咩問題」，批評事主貼文中指眾人「有手有腳」是錯重點，因為「個個都可以搭……優先排隊唔等同你專用」。另有網民指事主外出用得大車，要「食得咸魚抵得渴」，不可能預其他人都「老馮」讓位，更直言只是等下架再上，沒必要「偷拍放上網公審」。

另有網民認為「文化唔同，歐洲真係無人會搶住搭lift，真係比有需要嘅人優先使用，亞洲區好多都對長者、小朋友家庭唔太友善，覺得自己有使用權做咩要讓你」，有人認為「優先本身就係叫有選擇嘅人讓一讓，畀冇選擇嘅人先，而唔係齊靠快靠搶」，當中亦有人留言：「啲留言真係好癲，真心明白點解身邊咁多人唔願生仔」。

此外，留言中亦有一名網民不滿事主不時在網上「公審」他人，不斷用事主兒子照片放在留言，反過來「公審」事主，以怨報怨，行為相當不要得。