男童強搶土耳其雪糕　港媽炫耀「擊破戲法」帖文惹眾怒　網民炮轟：唔尊重文化

不少人購買土耳其雪糕，除了品嚐美食，更為了體驗店員以長鐵棍「戲弄」顧客的招牌互動。然而，近日有港媽在社交平台 Threads 上載一段影片，炫耀其兒子「擊破」土耳其雪糕店員戲法的經歷，更大讚兒子思維高。帖文一出便惹來廣大網民留言炮轟，不少人直指「冇家教」，不過亦有人留言力挺，形容男童機智。

一手捉長棍一手搶雪糕　店員無奈放棄交貨

根據事主上載的影片顯示，事發於日本一間土耳其雪糕檔前，當店員如常伸出長鐵棍準備與事主兒子展開互動時，男童竟直接一手捉緊長鐵棍，另一隻手企圖搶走雪糕。突如其來的舉動令店員大感錯愕，現場氣氛一度尷尬。拍片的母親及同行親友即時發聲阻止，高呼「NO、NO、NO，你咁樣就冇㗎啦」。最終男店員放棄互動，無奈將雪糕遞給男童。男童接過雪糕返回事主身邊時，事主笑言「人哋唔同你玩啦」，男童則回應「我就係唔想咁樣。」

事主在帖文中指大讚兒子有性格，「應該計劃咗好耐」，又指兒子事前看過很多相關影片，一直在思考如何一擊即中，「佢頭先真係話佢睇過好多次，所以佢一直諗自己可唔可以一下就攞到，點知佢成功左。所以我聽完佢講，都覺得自己怪錯左佢，擊破遊戲都係遊戲一部分。」而兒子事後非常高興，更興奮表示要回學校向所有人炫耀自己成功搶到雪糕。

港媽力撐兒子「思維高」　指遊戲無規則可反客為主

事主又指兒子覺得「個老闆諗住scam（欺騙）佢，個老細話咁佢唔玩」，認為店員當時表情變黑是「嬲豬」，反指對方如果專業，應該思考如何「破解」兒子的動作，更讚揚兒子「思維比好多人高，做人唔一定要俾人牽住個鼻走」，「俾錢玩係想for fun，佢只係用自己嘅方式玩。點解一定要俾人玩，而諗辦法去一下擊破係有問題，反正依個遊戲係無規則的。」

帖文發布後，迅速引來大量網民圍觀及留言，不少人批評男童及其母親的教育方式，怒轟男童舉動缺乏教養，並指責母親過度包庇：「勁冇家教」、「剩係見到個以為自己好醒嘅傻仔同盲目支持佢嘅媽媽」、「無禮貌唔等於有性格，破壞人哋嘅表演、唔尊重人哋嘅文化，絕對唔係『有性格』」。

網民怒轟缺乏教養：無禮貌唔等於有性格

亦有網民指責這種行為屬於強行搶奪及破壞規則，「你買得呢個雪糕就代表你同意遊戲規則，如果你根本唔想玩、唔同意，可以去其他地方食雪糕。你個仔想唔跟遊戲規則，直接用暴力去解決，呢個就係問題」、「咁如果去夾公仔機一直都夾唔到點樣破解？一嘢打爆部機伸隻手入去拎？」。更有不少人為店員抱不平，認為「佢阿媽只係識講no、no、no，係咪欠老闆一句道歉呢，搶人工具真係好無禮貌」。

不過，亦有少數網民力挺男童，認為其反應直接且具機智：「佢做咗好多人想做嘅嘢」、「叻仔，唔使買個雪糕都俾人玩」、「阿囝好正，佢反應好直接，覺得食嗰雪糕做乜要俾人玩」、「支持小朋友，俾雪糕佬玩唔等於玩，邊個俾人玩仲會Enjoy（享受）」。更有人批評其他網民過於苛刻：「喂，正義x你哋過馬路，閃燈唔好行出去呀，政府話唔得。食壽司拜託一定要將芥末放上壽司上面先好食，唔好溝豉油，咁先係尊重當地文化。」