有片｜元朗YOHO「大狗咬死細狗」 目擊者發文尋「無良狗主」 警：兩犬被咬死
【有線新聞】元朗YOHO周一（17日）下午發生「大狗咬死細狗」事件，目擊者發文指全程未見大狗主人制止，而細狗主人目睹愛犬慘死，當場情緒崩潰跪地痛哭。警方證實連續接獲兩宗報案，有約一米高大狗先後咬死一隻啡色迷你貴婦狗，以及一隻白色比熊，大狗被制服後由漁護署帶走，署方正在尋找狗主。
細狗主人成個人震晒 「睇到人心都碎埋」
據目擊者發文表示，事發在大約下午3時許，片段可見一隻大狗咬著細狗，「死都唔放口！隻細狗好似已經活生生被咬死咗」。目擊者指細狗主人在後面只能眼睜睜睇住，「當場喊到崩潰，成個人震晒，睇到人心都碎埋」。
片段未見事情起因，未知大狗有否受到驚嚇，但目擊者可以肯定的是，「最垃圾、最無人性嘅係隻大狗發狂，個主人完全冇嘗試過去阻止！」，又指出事後有人報警，「但現場完全冇人知個大狗主人係邊個」，詢問「有冇邊個見到個大狗主人走去邊？唔知係咪紫色衫嗰個女人…」，明言「一定要幫慘死嘅細狗同佢主人討回公道！大家幫手推到個無良狗主現身為止！」
據了解，大狗其後逃至馬路旁邊，隨後由至少7位警員合力用圍板嘗試制服大狗。事件激起網民怒轟，「邊Ｘ個ＸＸ放養啊！ＸＸＸＸ知唔知大狗純養都有天性架」、「最憎DＸ主人帶大狗出街都唔拖繩…乜Ｘ野叫意外？」、「唔好話咬死狗啦，呢d狗真係咬死細路都得」、「越睇越嬲，邊Ｘ個養大狗唔ＸＸ拖繩呀！無腦咪Ｘ學人養大狗啦！害Ｘ死人害死兩隻狗呀」。
