$1900買淘寶「官方」蒸焗爐　揭零件變「秀美河山」　網民諷：算好有良心

【有線新聞】消費者網購最好選擇有信譽商店，切忌一味貪平，尤其是購買電器。有電器維修公司近日就接到客人求助，稱網購的日本品牌蒸焗爐一插電就出現故障警示，師傅拆開後發現幾乎「得個殼」，重要的變頻板就變成「一樽沙」，但幸好不是換上劣質零件，否則有可能爆炸，「都有d膽顫心驚」。

駁電即出故障警示　師傅拆開：真係不得了

該維修公司在社交平台發文，直言事件「大癲」，指有在客人內地網購的「Toshiba」蒸焗爐一駁電就已經出「h54 error」警示，師傅拆開睇後直言「真係不得了，部機啲大部份零件已經拆走咗，變頻板亦都變咗做一樽沙，我地想維修都無能為力了」。

該客人自稱「淘寶仲要官方」購買，花了一千九百元，維修公司指「客人仲話2,000內整返都ok，我都叫佢買過部新機算喇」，認為賣方可能看上是香港買家，故障會退貸嫌麻煩，「我諗賣家都唔會諗到個客會俾人拆開檢查，東窗事發」，著客人找淘寶客服介入退款。

買電器宜安全為上　網民：好彩冇爆炸

「睇字心諗：一樽沙？睇圖：真係一樽沙」貼文引起網民熱議，不少人直言買電器真係要安全為上，「唔好貪平，有事時分分鐘影響埋鄰居」、「好彩無爆炸」，又留言問「插電仲有反應算好勁，但果d零件拆左有乜用？」、「零件可以配去其他機用，好似器官移植咁」，又諷稱「開機冇爆炸，仲識得出error code」、「算好有良心，仲有個殼同部份零件，唔係開箱見到一堆石頭」。