德國超級盃｜拜仁慕尼黑2比1擊敗史特加奪冠

【有線新聞】德國超級盃，拜仁慕尼黑2比1擊敗史特加，奪得冠軍。
上季德甲盟主撼德國盃冠軍，爭取為新球季打響頭炮。哈利簡尼快一步射入，紅衫的拜仁18分鐘領先。要多謝史特加守衛解圍變助攻，前線有哈利簡尼入球保證，後防有紐亞把關，半場力保不失，橫身擋走禾達美迪的攻門。
拜仁換邊後積極找第2球，哈利簡尼窄位起腳，過不到門將畢特路，自己未能再入球。轉做「駁腳」為隊友提供機會，找到基拿比，彎給路爾斯戴亞斯頭槌建功，77分鐘擴大比數。入球不忘昔日好拍檔，做出迪奧高祖達招牌式「打機」慶祝動作。上月底由利物浦加盟，早前踢了3場熱身賽「食白果」，今場終於「開齋」。
他們補時3分鐘保不住清白之身，盧韋寧近門頂入，為史特加拿回一個安慰獎。拜仁都贏2比1，繼2022年後再捧走超級盃亦是歷來第11次。