屯馬綫「摷裙」非禮男出沒　大袋掩護連摸兩女生　警拘20歲男

【有線新聞】人多擠逼的地方就要加緊注意安全，地鐵屯馬綫就傳出有非禮「慣犯」出沒。近日一名女乘客指自己搭車時懷疑被「摷裙」非禮，但因不肯定、以免冤枉他人而只好走開，未料回頭發現懷疑色狼竟以同一手段逞欲，女苦主拍下證據再告知第二名受害人，決定一同挺身報警。警方經調查後，在荃灣區以涉嫌「非禮」拘捕一名20歲姓黃的男子，他現正被扣留調查。

車內並不擠逼　乘客：係咪比佢搞

據第二名受害的女事主在社交平台表示，事發在周日晚上大11時15分左右，指「係西鐵（屯馬綫）有個男人摷我條裙！左手摷緊，右手部手機唔知係咪錄緊片」，事主又指當時車內並不擠逼，但懷疑色狼「企埋嚟已經覺得怪怪地」，起初以為是對方大袋撞到，「但越嚟越唔對路，所以我越tun（褪）越出，我一走開 佢即刻係荃灣西落車」。

女事主指有同車乘客詢問「係咪比佢搞」，「佢（乘客）話佢見我彈開佢，先見到，但我個時好驚又以為自己feel錯野所以無出聲，佢（懷疑色狼）淨係摷條裙又無揸落嚟，好驚佢係影咗我相」。

另一苦主醒目拍片　「推到全香港見到」

其後落車時有同車女乘客聲言有拍片，「因為原來佢都比佢摸咗，但佢太驚」。「最後真係好多謝呢個女仔，見到你眼濕濕都知你好驚，好彩你好醒目拍到片，推到全香港見到呢個鹹濕佬」，女事主又聲言稍後會去報警。據了解，兩名受害人已向警方報案。有網民則稱與懷疑色狼是同一間大學的學生，亦曾被對方在書院聚會上「督胳肋底」及掂到大髀，直指對方是慣犯。