港超聯｜煞科戰傑志4比4東方　大久保優帽子戲法奪神射手

【有線新聞】港超聯，應屆冠軍傑志煞科戰跟東方踢成4比4。

藍衫的傑志7分鐘領先，明加索夫推過門將送入空門，一度被指越位，VAR檢查後入球成立。「入球派對」送別球季，大久保優24分鐘頂入，東方追成平手。已提早4輪封王，傑志25分鐘重奪優勢，明加索夫插水式頭槌。兩隊不用追逐名次，東方肯定排第5，無壓力的進攻足球，馬高斯36分鐘射入2比2。東方40分鐘達成今場最大願望，造就大久保優的個人第二球，超越北區的格蘭特，成為港超神射手。

下半場繼續緊湊，完成今場「掛靴」，傑志門將王振鵬先擋單刀馬高斯，再撲河野大翔補射。傑志隨後連入兩球，馬基蘭罰球直入，73分鐘3比3。兩個西班牙同胞齊上齊落，齊齊後備落場，孖住上入球名單，阿祖安燙射得手，7分鐘後傑志再領先。聯賽壓軸一戰皆大歡喜，補時5分鐘，大久保優完成帽子戲法，最後比數4比4。港超圓滿謝幕，2022-23球季之後，傑志再次捧起聯賽冠軍。