機場充電「充壞」兩手機　條款列明風險自負　事主發文求救：喊出嚟

【有線新聞】尿袋上機限制經已實施，日前就有港人上機前試用機場提供的充電位充電，詎料直接「充死」自己及友人的智能手機，急忙發文求助，引起網民熱議。

手機仍可開啟　電池容量顯示歸零

「求救！有冇人試過係機場充電，充唔入但電量突然自動跳去1%！！」事主發文向網民求助，圖中可見手機仍可以開啟，但電池的「最高容量」顯示為零，「然後顯示unverified battery?!?!? 跟住自動關機自動開機，我哋兩個人兩部電話都係咁…我可以點做，有冇apple大神急救方法plssssss」。

有網民在回覆中認為應該是機場公共充電位日久失修，加上新例嚴禁飛機上用尿袋，因而多了旅客使用公共充電位，導致插座極度超負荷同短路，「當你插線時，強大嘅高壓電流湧入，直接燒毀咗電池負責同主機板通訊嘅晶片」，又提供三個急救方案，但明言最終解決辦法「都係返市區去Apple Store預約維修」。

網民深表同情　「旅行咁搞真係唔洗飛」

事主在留言表明「希望大家唔好中伏」、「慘痛教訓」、「喊出嚟」，並標記上香港機場的社交平台帳號，「可唔可以賠返俾我哋，多都唔洗，換電都要掛」，又表示幸好有帶同後備機，「調節番心情，唔好晒左個假期」。有網民深表同情，「出門俾佢咁樣搞一搞真係死，機票住宿導航咩都係度，一壞睇唔返真係唔洗飛」。

據香港機場網頁顯示，客運大樓設置超過9,100個充電插座，方便旅客為個人電子裝置充電；根據香港法定安全規格，必須使用13安培（13A）三方腳插頭，旅客可自備此款插頭的轉接器，以符合安全規定；亦設有USB插座，旅客可自攜USB連接線以便充電。備註列明「如果任何人因使用此充電服務而發生任何事故及／或導致他／她的流動通訊裝置或任何財物損壞，一切有關風險及責任均由有關人士承擔。香港機場管理局一概不會承擔任何一切因使用此充電服務而引致之任何責任或損失」。