一線搜查｜百年西港城年底翻新　特色花布街恐消失　布商嘆難捨街坊情

擁有逾百年歷史的西港城即將於年底展開為期兩年的大型翻新工程，這座法定古蹟亦將暫時關閉。然而，位於西港城內「花布街」的商戶，卻因未獲妥善安置，對未來感到迷茫，擔憂這條充滿傳統特色的街道可能就此消失。

從永安街到西港城　延續「花布街」記憶

位於港島的花布街最初是座落在中環的永安街，是一條以售賣各式布匹聞名的小街。雖然街道不長，但雲集了來自世界各地的布料，琳琅滿目，成為香港的傳統特色之一。然而隨著上世紀90年代市區重建，以前的花布街已經成為了今日中環中心的一部分。為保留這份文化遺產，布匹商戶獲安排搬遷至上環舊街市活化而成的西港城，繼續經營。

西港城二樓的花布街，十多間布匹店舖相連，延續了永安街的記憶。70多歲的布商陳伯憶述當年永安街的盛況，指「以往永安街多數都係賣布匹，全部都係賣布，冇其他嘢。」陳伯的店內存放過百匹絨布，每匹布都由他親手用繩紮好，店內那張70多年的木桌更是他數十年布匹生涯的見證，「張枱開張時候做㗎，入行嗰陣我瞓呢張枱㗎。70幾年啦，一定係唔捨得啦。」

陳伯分享，當年長輩教導做生意要有「三本」，分別是本事、本錢和本心。「冇本心就做唔到長遠。」他坦言，「我唔識做其他嘢呀，我係做呢行，由一開始做呢個行業、呢間舖，我冇去第二間打工。」

難捨街坊情　陳伯：唔一定幫襯、傾計都開心

從永安街搬至西港城後，花布街的生意已不如前。陳伯回想：「下面（永安街）多人、有夥計，上嚟呢度（西港城）夥計都冇啦，得你自己一個人，咁你點啫。」儘管客流減少，陳伯仍珍惜與老客戶的聯繫。「做生意嘅，有歷史，都一定有舊客戶、舊人。有時唔一定係幫襯，傾計都可以好開心。唔係我有本事搵錢，而係佢哋（舊客戶）幫我養大仔女。」

對陳伯來說，花布街不僅是生意，更是生活的寄託。早已到退休年齡的他，仍然每天開舖，與街坊交流，維持這份人情味。然而，西港城即將翻新，商戶需要搬離，陳伯不禁感嘆：「我好傷（心）囉，我坐喺度都冇人陪我傾計、冇人幫襯我，喺屋企又會點呢？如果我唔做，真真正正好麻煩。」

設計師冀保留傳統特色街道　顧客：幾代人喺度買

花布街的獨特魅力吸引了不同顧客，包括時裝設計師和縫紉愛好者。時裝設計師林春菊表示，西港城的布料多來自歐洲、日本，或是歷史悠久的花布，種類豐富，深受訂製服裝設計師的喜愛。「而家要搵特色嘅嘢都會嚟呢度搵，鍾意縫紉嘅人會嚟，或者做設計師會做獨一無二、可能一件半件嘅衫，幫客人訂造嘅衫，就會嚟呢度搵寶藏。」對於花布街即將成為歷史，她認為太可惜，「唔希望佢以呢種形式結束，希望可以活化，繼續保留。」

長期顧客對花布街的感情同樣深厚。有30多年的顧客感嘆不捨，「我成日嚟呢度幫襯買布，買咗20幾、30年，幾代人添啦，我嘅長輩都係呢度買布。」

憂花布街分散減吸引力　布商：冇晒特色點搞呀

對於布商來說，搬遷不僅是情感上的挑戰，更是實際的難題。商戶區先生表示，布匹存貨龐大，短時間內難以清空。「做呢行，單獨兩、三間係冇用，一定要成行成市。每間舖嘅貨色都唔同，選擇多先多人嚟。」他憂慮若花布街分散，吸引力將大減，生意難以為繼。「金魚街又冇、雀仔街又冇，冇晒特色點搞呀？」

中西區區議員楊學明透露，西港城作為法定古蹟，翻新工程需經古物古蹟辦事處審批，每項細節均須符合保育要求。他認為，市建局在中環、上環的重建項目中，通常能妥善安置商戶，期望今次亦能為花布街商戶提供適切安排，保留這份傳統文化。

78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞