梵蒂岡聖殿疑遇缺德港客　揀聖水扭蓋逐枝「驗」　企通道阻路竟反駁：唔使排啊？

【有線新聞】暑假將至，不少港人都趁機一家大小出遊，但近日有港人到意大利梵蒂岡旅行，在聖伯多祿大殿目睹有疑似港人遊客缺德地逐枝聖水扭開挑選，縱然被其他遊客喝止，但仍拒停手，行為自私惹來熱議。

外遊被指排隊塞路　疑似港人：唔使佢哋等啊？

曾在港任職幼稚園校長的KOL「梨老師」發文，指日前在梵蒂岡聖伯多祿大殿，遇到一群疑似港人遊客連番作出「失禮行為」，令她嬲爆控訴。她當時在紀念品選購聖水，遇到該批講廣東話遊客，雖然店內空間極小並且塞滿人，但涉事遊客為選購「最完美聖水」及「最合身戒指」，完全不顧身後有大批遊客排隊等候，「佢哋話八三廿四（匯率），成$24港紙得嗰幾滴水，要裝多少少。」

該批遊客更即場「研究」戴左手還是右手好，「呢隻16號戒指唔係最Fit我，好似另一隻16號fit啲」，「梨老師」表示揀選戒指沒有問題，但卻完全阻擋後面遊客去路，即使禮貌地請他們稍為移步，但一行人仍自顧自「忘我地」選購戒指，「已經講晒唔該借借，呢班香港人好大聲咁講咪由佢哋等吓囉，唔使佢哋等啊？甚至乎話佢哋排咗咁耐入嚟，所以後面嘅人要排得更加耐。」

擰開聖水逐枝揀　只收信用卡堅持畀現金

這群遊客研究哪枝聖水「最滿」，不單目測，最離譜是擰開樽蓋，「係到逐枝逐枝扭開，伸隻手指入去摸，倒人哋枝聖水出嚟，睇吓邊枝聖水係最多、最滿，佢旁邊個Friend仲話你做得好，我啱啱都係咁倒出嚟」。「梨老師」直言有關行為「到底係有幾野蠻」，雖然有其他遊客喝止，但該批港人仍未有停手，「佢哋係轉位匿係角落頭，繼續倒人哋啲聖水」，行為非常自私亦不尊重別人，「咁樣你都會攪到人哋啲聖水unholy（不純潔）。」

最後付款時由於只收信用卡、不收現金，該批港人卻堅持要付現金，「佢死都要畀現金，直至到職員頂佢唔順，搶佢張卡嚟嘟」。片主非常憤怒稱「我覺得唔係幾好睇囉，我唔知佢哋接受啲咩嘢教育，而令到佢哋有呢啲行為」，又留言坦言一樣米養百樣人，相信好多香港人都好有教育，不過凡事總有例外。

網民批影衰港人：自己人都幫唔落

有網民問「梨老師」為何不當場制止，她留言解釋「佢哋一行五人完全塞住晒條路，仲要企喺度撳電話都唔俾其他遊客行過，連啲人想伸隻手入去拎件貨，佢哋都特登用個背脊擋住，間舖頭仔剩係得一個職員喺度收緊錢，冇人行到入去嗌到個職員幫手。」

不少人留言指這班遊客「影衰」香港人，「香港的確有班人係好貪小便宜…」、「唔好再講咩唔係香港人啦，幫唔落，我自己都頂唔順佢哋，身為香港人真係覺得好羞家」、「由日本餐廳話最多香港人甩底，去到唔俾香港人電郵訂位，其實啲人仲未意識到香港人難頂」。