一線搜查｜李鄭屋商場「長者關愛服務站」真身曝光　裝修公司借機做生意　居民誤信填表洩私隱

【有線新聞】《一線搜查》近日接獲觀眾報料，指李鄭屋商場內近日出現一間名為「長者關愛健康服務站」的店舖，聲稱為長者提供免費健康檢查、磅重、量血壓，甚至贈送福袋及代填政府資助表格，吸引不少長者前來。然而，《一線搜查》調查發現，該店舖並非官方機構或關愛隊，而是由一間裝修公司開設，目的是協助長者向政府申請8萬元維修物業津貼，隨後介紹自家裝修服務，從中獲利。部分長者及街坊誤以為是政府服務，紛紛填表洩露私隱，當區區議員已接獲多宗查詢，呼籲居民小心，勿隨便透露個人資料。

商場突現神秘「服務站」　長者誤以為官方機構

「有健康檢查但又唔做血糖檢查，同埋可以幫佢哋（長者）申請綜援、長者生活津貼，叫佢哋（長者）入去登記，然後有禮物拎。」居住在李鄭屋邨的陳先生向《一線搜查》報料，指該「長者關愛健康服務站」於本月開張，表面提供健康服務，但未見血糖檢查等專業項目，更主動邀請長者登記申請綜援、長者生活津貼等政府資助，並協助他們填寫表格。

《一線搜查》攝製隊走訪商場時，發現該「服務站」並無展示任何牌照，裝修亦非常簡陋，宛如內地二三線商場的臨時攤位，內裡僅擺放幾張椅子和四五張桌子，用於簡單健康檢查。門口當眼處貼滿海報，標榜「長者免費身體檢查」，並註明「完成檢查送福袋一份」，以吸引長者入內。

從店舖出來的街坊多表示滿意，卻對機構性質一知半解。街坊周先生：「幾好呀，幫街坊做呢啲社會福利。（記者：知唔知咩機構？）幫長者囉，冇疑惑呀，幫長者嘅嘢。打開門，唔會話呃人嘅。」另一位街坊蔡女士分享，她因視力不好，由職員代填表格，「佢幫我填表，同我講交去邊。我哋幾十歲，邊度有咩私隱，乜資料啫，係得身份證咋嘛。」

不過，並非所有街坊都無疑慮，街坊張先生就希望當區關愛隊出面澄清。張先生：「我睇唔到（有名）、睇唔到。咩性質又睇唔到，剩係關愛兩個字，好虛泛。我希望呢一區嘅關愛隊出嚟澄清呢樣嘢，唔好再有俾人有誤會。」王先生則覺奇怪：「好奇怪，唔明點解，呢啲應該係政府基本上安排咗，點解會突然有間咁嘅嘢、叫啲長者入去了解吓。」

認非官方機構　職員：老闆想做善事

而根據「服務站」派發的單張，服務包括申請長者生活津貼、傷殘津貼、高齡津貼、醫療券等，特別強調8萬元維修物業津貼。攝製隊以街坊身份入內查詢，職員主動推介代填政府資助表格服務，並即時取出表格示範。「如果你哋真係唔識填，可以俾資料我哋幫你哋填，之後你哋自己交，仲可以喺你哋面前影印埋、可以提供郵票俾你哋去寄，但我哋就唔會再過手任何資料。」

職員強調，他們並非義工，而是受薪員工，且與政府無關。當被問及是否關愛隊時，職員否認：「可能個名同其他（機構）有小小撞，我咃係長者關愛健康服務站。」對於店舖性質，職員僅稱是私人機構，老闆想做善事，但慈善牌照需三年時間才批，因此先開店服務。「佢喺呢度大，咁賺到錢就梗係搬出去，回饋返社會。」他們聲稱暫時只服務李鄭屋邨居民。

《一線搜查》向當區關愛隊查詢，對方僅表示曾收到查詢，但不清楚店舖背景。商場管理處則以私隱為由，拒絕透露租客身份。

負責人承認做生意　真身裝修公司　目標鎖定8萬元維修資助

經多方追查，《一線搜查》最終聯絡上負責人之一郭先生。他在電話訪問中坦承，店舖背後是一間裝修公司，目的是協助長者申請政府提供的8萬元長者維修物業津貼，隨後介紹自家裝修服務。郭先生直言：「我可以一五一十同你講，其實我哋都係做生意㗎啫。最主要我哋係間裝修公司，我哋幫長者申請8萬蚊維修物業資助，我哋幫佢哋申請，咪介紹返裝修公司俾佢。間裝修公司係我哋自己嘅，我哋其實都有同公公婆婆講返。」

他又詳細解釋運作模式：「可能$8萬批得$6.5萬，其實仲差$1.5萬，應該要長者補貼返。但我哋公司老闆就話『唔好收佢哋啦，我哋當半賣半送啦，老人家邊有錢，有錢都留返嚟食飯啦。』」

自認出發點良好　負責人：有乜傷害到長者先

郭先生自認出發點良好，反問記者：「你覺得我咁做，其實有乜傷害到長者先？我都想了解吓，我哋有乜做得唔好嘅地方呢？你話我哋咁樣吸引佢哋（長者）去，咁你都知，我哋所做嘅嘢都唔係傷害人啊，係咪？我哋都係幫人啊，冇乜嘢錯啊，同埋我哋都唔係搵長者著數啊！」對於以「關愛」名義開店，他辯稱：「咁都唔算關愛？幫長者、協助佢哋整返好間屋企喎，係最核心嘅一樣嘢喎！整好間屋企係咪算關愛呢？」

另一職員劉先生承認「服務站」曾收集長者個人資料，但在聽到街坊疑慮後已停止。「其實都係社署或市建局要嘅資料，我哋都係叫佢哋攞嚟，跟住同佢哋填表格交去。跟住我哋聽到啲聲音，『嘩，點解你哋要我哋資料，究竟會唔會拎去做第二樣嘢。』我哋收集咗好多聲音，跟住我哋而家冇啦。」他指公司有商業登記，理論上與關愛隊不同，開店前未向區議員或關愛隊了解，「我哋冇咁複雜，因為可能我哋冇乜經驗。」

深水埗區議員龐朝輝亦證實，近日接獲不少街坊查詢，更有長者到店檢查後填寫住址，僅兩小時內即有職員上門，協助申請維修物業資助。他又呼籲居民小心，不要隨便向他人透露個人資料，以免私隱外洩。

78 HOY資訊台：《一線搜查》
播出日期：逢周一至五
播出時間：晚上8時77台首播、8時半78台重播
WhatsApp報料熱線：68960931
節目重溫請＜按此＞