Keeta步兵偷食外賣　揚言罰客「再催就再食」　網民：快share出去　平台急回應

【有線新聞】用外賣App對不少人而言已是生活日常，但不時都有網民發現「送餐」出現問題，很多時都是打翻倒瀉、漏餐點庚類，但近日就有外賣「步兵」在社交平台自爆偷飲偷食客人的餐點，引發一眾網民震怒，更發現該「步兵」疑似是慣犯，公開呼籲在他出沒區域的消費者要多多檢查所點的外賣。

涉事均為觀塘區　「上落山」成最高危

涉事「步兵」是在其個人社交平台上發出多段reel短片，可見他接到一張由觀塘半山功樂道某漢堡食店的送餐單，需步行下山送往牛頭角上邨的客人手中。下兩段短片則見到他要由淘大花園送餐「上山」到樂華邨，但途中偷吃薯條，並寫上「人哋啲外賣係特別好食。懲罰來的，條友遲咗少少係咁喺度打電話吹（催）」、「咪X再吹（催），再吹（催）我嘅話再食」。

其餘短片則自稱「做咗一個鐘已經$98，時薪X打晒大學畢業學歷嗰啲垃圾工」，以及在九龍灣德福廣場某知名連鎖咖啡店送餐，但在商場當眾打開客人的飲品，「驗吓啲嘢飲有冇毒先」，直接喝了一啖後還原杯蓋，放回外賣袋中。最後他透露共接了五張外送單，收入為$136.94。

網民直斥反社會　質疑用假身份接單

有網民發現片段放上「Keeta外賣關注組」群組，直言「反社會人格嗰啲XX仔都可以送外賣，大家平時如果有叫開外賣，收嘅時候一X定要睇清楚個外賣有冇異樣先好收，可能俾人飲過，又或者偷食咗裏面啲嘢」、「留意下呢個post，又或者大家share出去俾啲朋友，睇下有冇朋友中咗招，你哋飲緊嗰杯係二手飲品，同埋食緊人哋個二手餐」。網民又指「條友擺明係慣犯，真係好X嘔心。嗰啲外賣仔冇心做，就咪X做啦」。

有其他網民指該「步兵」可能涉及盜竊罪、刑事毀壞罪，亦可能違反《公眾衞生及市政條例》，指可以向平台要求退款或賠償，亦有外賣員留言：「講真他咁樣做，直頭害死其他人，現在已經小（少）單，仲要嚇走d客」。最後該步兵自揭已因為多次違規，被平台終止協議，但網民認為他明顯毫無悔意，平台封鎖他也只是治標不治本，「佢個戶口寫住車手。係咪用人地戶口啊？佢行路喎！」

Keeta：不願個別事件　損整體送遞員形象

事件引起討論，Keeta回應指非常關注流傳有送遞員在配送訂單過程中出現嚴重不當行為，稱已即時跟進及處理，「經內部查證後，Keeta已終止涉事送遞員的服務協議」，強調一眾送遞員一直提供專業、高效的配送服務，「不願個別事件為整體送遞員形象帶來負面影響」；如發現送遞員自行拆開餐品包裝再交予顧客，一經查證，因應事件嚴重程度，Keeta將採取嚴厲措施，包括終止其服務協議，送遞員亦有機會承擔相應的法律責任。