一線搜查｜亂放生變養蚊　觀塘翠屏河恐爆生態災難　逗留路過隨時中登革熱？

有線新聞
2026年06月23日

不當放生危害生態及公眾，但至今依然是屢遏不止，而經渠務署活化河道項目改造後的觀塘翠屏河雖然成為親水公共空間，設有人工濕地，種植荷花等植物，供市民休憩觀賞，但恐怕已成為登革熱爆發黑點，皆因持續有人胡亂放生龜魚，趕絕以蚊為食的青蛙蝌蚪及蜻蜓幼蟲，面臨生態災難。

「基本上日日都會有求助，好多時今日嚟完啦，可能有兩三隻龜撈走咗，但係唔知點解夜啲又有人話又見到龜。」非牟利動物救援機構「龜途」創辦人陳仲邦向《一線搜查》表示，已經多次在觀塘翠屏河拯救被遺的嘅龜隻，「所以都幾嚴重，同埋呢邊濕地係個開放式位置，一啲cam去影，又或者冇人巡邏，大家行過就咁擺低隻龜。」

「早前最誇張就係有人可能擺咗一大拃龜苗呀，好似呢啲咁細隻嘅。咁我相信係專登賣嚟放生，另外都見到有好多食用嘅魚，例如有塘虱、生魚、草魚、鯉魚啦，所以水池裡面好多唔同生物喺度。」陳仲邦指雖然有水和植物，這些生物在短時間內或能生存，但環境未必適合它們長期生活，「譬如話有啲大啲嘅龜，可以就咁就爬咗出嚟，就可能喺條路上面遊蕩，甚至出面馬路行到出去。」

此外，巴西龜等外來物種屬雜食性且食量大，會捕食本地生態中的食蚊魚、青蛙蝌蚪、蜻蜓幼蟲等，打破原有生態平衡，間接導致蚊患增加。蟲鼠控制專家鄭國鏗：「龜嘅排洩物產生氮同有機養分，會促進水中細菌同埋微生物滋生，係蚊幼蟲極佳營養來源……佢可能會食咗本身喺度嘅一啲食蚊嘅魚，或者青蛙蝌蚪，或者其他食蚊嘅蟲類，譬如蜻蜓幼蟲。」

鄭國鏗罕形容白紋伊蚊是機會主義者，不止溫血動物，就連冷血動物的巴西龜，有血就會去吸，「第二個原因係啲體味，其實龜本身都會散發啲好似乳酸或者特定化學氣味，係一個signal話畀蚊聽呢度可以開餐」。由於翠屏河是開放式公共空間，市民常來觀賞魚類及植物，若蚊子大量滋生會增加被叮咬機會，而登革熱病毒就可能因此傳播，提升社區傳播風險。

區議員柯創盛指人工濕地原本設計目的是營造親水空間，讓市民欣賞水體及植物，並無考慮容納大量魚類、龜隻等寵物或放生物種。活化項目旨在提供優美公共空間，而非成為棄養地點。目前法例對隨意棄養爬蟲類動物的管制不足，執法亦因缺乏證據而困難，建議政府加強措施，包括在該處設置攝錄機、增加告示牌及巡邏人員，讓有意棄養者感受到成本及警戒；同時應加強跨部門協調，如土木工程拓展署、渠務署等，增加人手處理相關問題，確保棄養動物得到適切處理。