一線搜查｜為街友煮麵七年 淥麵調味「唔喺亂嚟」 深水埗關師傅：我都邊緣化過
平時想食宵夜煮碗面幾分鐘就「搞掂」，但對於露宿街頭的無家者來說，一碗「熱辣辣」的餐蛋麵卻是種奢侈。自2019年開始，深水埗「關師傅」每逢星期五都會推著裝滿食材與設備的露營手推車前往通州街公園，為露宿者煮麵，已堅持七年。
關師傅最初其實是在南昌站附近隧道，向露宿者派發水果、香蕉與橙子。不過，當露宿者吃完後很常會表示「都食唔飽」，「咁你想點啊？」、「咁如果有餐蛋麵食就好啦。」，正是這句話，促使他開始帶電煮鍋上街。
「電煮鍋放入麵條，加入熱水，大約三分鐘就能食用。」關師傅目前固定於每星期五晚前往通州街公園，除了黑雨及八號風，基本上是風雨不改。不知不覺已七年過去，粗略估算已煮出約七、八千碗麵。而為應付需求，他訂製了接近一萬個即棄碗。每次出動，露營手推車都裝滿食材、餐具及三十公升水，但因為露營手推車體積龐大，無法乘坐港鐵或的士，關師傅只能從荔枝角站步行足足四十分鐘。
由於公眾地方不可使用明火，他以移動電源及電池驅動電煮鍋，一次約可煮三十碗。為加快煮食速度，他事先在辦公室燒好熱水，以暖水壺盛載帶往現場。麵的配料相當豐富，包括餐肉、香腸、蟹肉棒、雞蛋及三色豆。關師傅強調分量必須充足，煮麵亦有講究：「其實淥麵都要好講技巧，淥麵要恰到好處，既係腍既係彈先好味，我梗係掌握咗啦，咁多年。」
在調味方面，關師傅特別謹慎。有時街友會表示「不夠鹹」，其實是味覺退化所致，「唔係真係唔夠鹹啊，其實佢哋嘅心肝脾肺腎啦，手手腳腳都衰竭得幾勁，太鹹、太甜啊，糖尿腳啊，或者個腎有事。你因為咁要fulfill到佢嘅味道，而畀過量嘅鹽同過量嘅糖，咁樣梗係害死佢，係咪先？」
說固為何開始幫助露宿者？關師傅坦言2019年被人詐騙，負債高達一百萬元，一度跌入人生低谷，令他明白被社會邊緣的感覺，「社會冇畀機會你去返身，其實佢哋真係冇㗎，因為佢哋就算冇（毒）癮又好，身體都衰竭得好緊要，有咩工作啱去做？冇，其實佢哋幾灰㗎，社會絕對唔接受佢哋，諗翻由我失去咗一百萬，我完全係被人孤立，被人當係透明啦。跟住咧，我行咗人生第二條路，去煮麵。」
「跟住慢慢人識得我，有人受到我嘅故仔嘅鼓勵。有啲人就喺網上面，話『啊關師傅我成日都睇你啲嘢，我唔開心時碌你個post呢，覺得好有正能量』。」幫助他人的同時，關師傅也在療癒自己。
主動關心露宿者的並非只有關師傅一人，街坊Jason這日更帶來西米露，「有啲能力有啲才能，咪益下街坊囉。」有些人亦會協助煮麵，讓關師傅有更多時間與大家傾談。Dawn：「平時關師傅自已一個人都搞得掂也能應付，有時見到佢同啲街坊傾偈，都會幫手煮下咁，煮得快啲，咁佢有多啲時間可以同大家interact下咁樣。」
阿強：「最開心，即係講真有麵食，肚餓啊嘛，啱唔啝先？」滿叔：「關師傅個個星期五都引誘我食麵。（成唔成功引誘到你啊？）梗係引誘到我啊，我而家食緊啦。」
「我第一年認識嘅街友，到而家得幾個仲喺度，大部分已經離世。」令關師傅覺得唏噓的，是時間帶來的改變。據關師傅粗略計算，至少有五十多位街友在人生最後一段日子裏，定期吃過他煮的麵、與他合照、傾談。幸好的是每個星期五，通州街公園的麵香依然準時飄起。
