有片｜大埔運動場跑道驚變單車徑 衝刺超越跑步人群 網民：職員瞓曬覺？
【有線新聞】夜晚跑步已是不少市民的生活習慣，但日前就有人目擊（影片見文末）一名男子踩單車闖入大埔運動場跑道，更在人群中加速爬頭，最終踩完一圈後「絕塵而去」，未見有運動場職員阻擋。
目擊者在社交平台上傳影片，又發文戲言大埔運動場跑道「OTA系統升級成功，最新版本已解鎖雙輪驅動模式。平常大家都用雙腳跑，這位大哥直接自備外掛，物理實踐低碳生活」，又表示「大家留意吓，佢仲要冇落側架。都可以踩足一圈，真係好好技術！」
影片中可見一名中年男子踩的疑似是共享單車，佔用在跑道最內側跑道，遇上前方跑步者時，會從旁加速爬頭超越，並會從人群中穿越。發文者指單車男「踩左一圈，之後仲大搖大擺，喺100米終點掉頭，踩左去staff room方向果邊走」。
女跑手直斥痴線 「一個圈就消失咗」
「我就係片中個追唔到佢個女仔，痴線，見佢踩咗一個圈就消失咗。」影片引起冪民熱議，「可以踩單車嘅咩？我仔2歲幾時喺側邊踩咗幾下滑板車都俾人追住鬧」、「咁痴線，無職員架？」、「職員瞓曬覺？」，但亦有人表示「唔係合理化佢既怪人行為，但點解平時倒返轉嗰陣（在單車徑跑步），你地又唔覺得有問題呢？」
