一線搜查｜瑜伽中心被指呃保就業 負責人逐點反駁 冀開細舖改「Credit」形式收費
香港一間擁有23年歷史的知名瑜伽中心疑陷入嚴重財務危機，多間分店相繼關閉、負債逾千萬元。面對學生指控上課遲到、遊說導師「夾計」領取政府資助，中心負責人Dickson主動聯繫《一線搜查》，聲言要逐一反駁，更指有意盡快轉型開細舖重新教班。更有學生現身力撐：「即使喺公園教返我都冇問題。」
約課導師例遲 付費可買證書？
有學生指付費後但一直預約不到課堂，就算約到上課，導師都一定「例遲」。中心負責人Dickson反駁指「遲是一個過程」，他稱「上課唔係難預約，係因為佢哋搜集好多黑材料，有陣時係堂與堂之間要走場，課堂係有助教幫手開場，大家都知呢個係過程。」
對於有指只要學生願意付費，即使未完成考試都可以拿到認可導師證書，中心負責人Dickson承認有相關情況，但解釋是受到社運影響，「2019年社會運動開始好多人移民，當時好多人報名做了導師，佢哋上完堂、考了筆試，尚欠部分動作試未考。」他指，部分學生移民到英國等地，會對他們酌情處理，又強調有監察整個過程，「佢哋真係上晒堂，啲動作試會要求佢拍片，但呢個程序好麻煩，我哋要收返少少費用先得。」
遊說導師「夾計」申保就業？ 合伙人：大家幫大家
至於被指涉嫌遊說導師開MPF戶口，「夾計」去申請政府保就業津貼，他表示向來不清楚錢銀數目，更即場聯絡另一位合伙人。合伙人就指「只係大家幫大家」，「政府有呢個資助，兼職跟足規矩做可以令到我哋出糧時可以紓緩一啲，我覺得唔係夾計，我冇強迫佢哋。」
對於有關操作，Dickson仍理直氣壯，指做法跟足保就業指引，「計劃係確保僱主可以有錢出糧畀員工，只要證明係員工，有強積金紀錄就可。如果你做咪當係幫下公司手，我哋都出糧畀你」。他又稱會將政府資助全部給予員工，「我哋一毫子都冇落袋，但前提係要供返強積金，我負責供三個月，你又供返三個月。」
負責人冀轉型開細舖 學員有信心：我係買佢個技能
面對欠薪、欠租、被學生追討，瑜伽中心已經吊鹽水一段時間，但Dickson仍保持「獨有信念」，希望可以盡快轉型、開間細舖，「我哋從來都冇諗過結業、到而家都係，因為辦法總比困難多，我哋唔係想攬炒，想搞返好件事。」他表示將來會以買「credit」形式收費，學員可購買10堂、30堂或50堂課程，他堅稱此舉並非預繳式消費，「你驚嘅咪逐堂買、每堂結清，唔會欠你咁多。」
仍有學員對Dickson投下信心一票，「我畀學費唔係買中心場地，我係買佢個技能，所以就算佢執咗笠都唔太擔心，我覺得佢都會負責到底，就算佢喺公園教返我都得」。
78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞
