一線搜查｜北角虐畜案女疑犯前科纍纍　9月內死6貓狗　前男友揭惡行：冇人約就唔放狗、冇錢買狗糧

北角及天水圍早前發生駭人聽聞的虐畜案，涉案姓梁的女子（Bella）因涉嫌棄養及疏忽照顧導致多隻貓狗死亡，先後三度被警方拘捕。而在《一線搜查》攝製隊追查下，發現Bella前科纍纍，不但居住單位衛生惡劣，滿屋糞便、烏蠅肆虐，更有其他貓狗懷疑曾遭到虐待，單單今年可能已經造成至少六隻貓狗死亡。前男友及狗友更現身指責Bella飼養寵物成癮卻不負責任，視動物為「社交工具」。

案件發生在今年9月8日，北角一單位傳出惡臭，警方接報調查後發現一具金毛尋回犬屍體，隨後以涉嫌殘酷對待動物罪拘捕涉案女子Bella。然而事隔6日，警方在同一單位露台再發現一隻八個月大布偶貓乾屍，當時屍身已嚴重腐化，Bella再次被捕，兩宗案件已交由法庭處理。

天水圍村屋5狗2餓死　疑遭Bella遺棄、環境惡劣

事發後有傳媒進一步揭露，原來Bella牽涉另一宗尚未被起訴的案件。今年7月，天水圍田廈路一間村屋發現5隻被遺棄狗隻，包括黑白色邊境牧羊犬、黃色哥基、啡白色貴婦及兩隻狼狗。其中邊境牧羊犬及黃色哥基被發現時已經餓死，另外三隻極度虛弱，送往愛護動物協會救治。有目擊者表示當時單位內環境非常惡劣，無糧無水，未打開門已經傳出惡臭。

街坊憶述，當時單位傳出惡臭，「一行到佢門口臭到死，掩住鼻，好似死屍啲味。我仲以為佢啲狗喺屋入面冇人理，成日痾大小便啲味咋，我唔知係死咗，估計死咗約一個月。」她又指，狗隻生前叫聲淒慘，但當時以為狗狗肚餓，沒料到是被遺棄。據了解，該村屋單位是Bella與當時的男友占男合租，兩人於今年二月搬入該單位，鄰居甚少見到兩人，更從未見過二人放狗。據知，五隻狗均由Bella飼養，直至今年5月兩人分手後，占男搬離村屋，原以為Bella會照顧狗隻，怎料Bella亦離開，遺下5隻狗狗自生自滅。

前科累累　前男友現身揭單位髒亂、遺兩貓屍

而《一線搜查》攝製隊追查後更發現Bella前科累累，其前男友M先生更現身講述所見所聞。M先生透露，與Bella於2024年2月起同居，先後在康城及長沙灣居住。M先生形容Bella養寵物成癮，但沒有提供適當照顧，「成日問都唔問就突然拎啲貓狗返嚟，突然之間話喺樓下執到隻貓。可能今日拎隻貓、後日拎隻狗，但又唔用心照顧，俾食、住就完。」

他直言不明白Bella養寵物的心態，當沒有朋友相約放狗時，Bella甚至不會主動放狗，「佢試過狗冇尿墊用、冇狗糧食，真係睇唔過眼。佢同我講係冇㗎啦，係冇錢㗎啦、係冇嘢食㗎啦」。至今年1月兩人分手，M先生讓Bella暫住長沙灣單位，自己則搬離。但由於鄰居不斷投訴單位傳出惡臭，M先生最終在2月上門收樓，結果發現單位髒亂不堪。

「床褥成堆糞便就唔講喇，去到浴缸又係全部都係糞便，有狗仔踩嘅墊又係全部糞便。廚房唔知幾耐冇洗過碗，全部堆喺度，成堆水、成堆烏蠅係咁飛；雪櫃成堆果蠅，我清都清咗兩、三個鐘先清晒；洗衣機裡面啲衫成堆水，又係冇清。甚至乎佢走嘅時候，三間房全部都冇閂冷氣，後尾睇返電費成$1.6萬。」更嚴重的是，M先生在單位內發現兩隻貓屍，於是質問Bella，惟對方僅辯稱「搵唔到嗰兩隻貓」。

質疑將動物當「社交工具」　狗友：對佢好失望

而狗友亦對Bella的行為感到失望，質疑她將動物當「社交工具」。從兩人的訊息對話中得知，原來Bella居住康城單位時，已經因衛生問題被鄰居多次投訴，愛護動物協會亦曾介入調查，更險些收走狗隻。

有狗友在得知天水圍案件後，曾發訊息質問Bella其他狗隻的下落，然而對話中Bella似乎並不緊張其他狗隻的生死，僅稱「其實嗰個地方（村屋）我係冇返過去，我今日都解釋咗。其實我自己都唔知道究竟係邊一隻（死咗），因為警察最尾係封咗間屋，唔俾我返去，淨係俾租嗰個人返入去，即係我前男友。」面對狗友一再追問，Bella亦未有正面回答，僅藉口連連，聲稱自己不方便返回村屋，曾托人上門照顧，未料對方沒有行動。對於狗友及前男友的指控，《一線搜查》攝製隊嘗試聯絡Bella，然而對方在得知記者身份後立即收線。

動物權益及福祉協會創辦人Susan Lai批評香港動保法例落後，「如果呢個人已經有前科，其實我哋應該要以禁制令方式係唔可以再俾佢飼養寵物，因為佢會繼續傷害到其他動物。但現行法例下，無奈真係冇呢啲標準。」她表示，坊間動保團體多年來都希望加入「謹慎責任」的概念，正正是彌補疏忽照顧貓狗的漏洞，即如果未有主動為貓狗提供合適照顧即屬違法，毋須再等到動物已經受到不必要的痛苦和傷害才算是違法。