一線搜查｜宏福苑大火揭棚網問題　穗禾苑九座全包綠網　居民憂阻燃證造假　法團主席現身回應

大埔宏福苑大火後，全港業主對大維修問題提高警覺，屋苑棚網更引起不少住戶恐慌。其中位於火炭的穗禾苑九座大廈同時搭棚近30個月，綠色棚網「包到密實」，居民人人自危，擔心棚網阻燃證書造假，有居民更直言因此失眠。不過，法團主席堅稱棚網經瑞士SGS及政府部門測試。

九座全包綠網　居民：你叫我安心、我就可以安心？

穗禾苑在2022年6月業主大會通過3.88億元大維修工程，原定21個月，今年6月完工，至今已延至近30個月仍未竣工。九座大廈外牆全被綠色棚網包裹，居民每日出入如入「綠色牢籠」，更擔心棚網阻燃劑造假，令災難重演。居民李女士：「見到咁樣，我兩晚瞓唔著，𠵱家成百條人命。我哋一樣咁嘅遭遇，全幢都包晒！」

居民陳先生：「（擔心）始終可能包括佢有冇溝到貨，會唔會有唔合規格嘅網、唔阻燃嘅網混入一啲合資格嘅網入面呢。」居民吳先生：「穗禾苑嘅居民都好珍惜自己生命，大家都多咗恐慌。大家『安心喇、安心喇』，係咪你叫我安心，我就真係可以安心呢？」

拆網工人無扣安全帶　居民質疑承建商誠信

政府早前勒令所有樓宇維修工程要拆除棚網，不過早在宣布「拆網令」前，穗禾苑已經開始自行拆網。《一線搜查》記者現場直擊，工人拆網時表現心急，有工人雖穿著安全背心，但未有扣上安全帶，存在高空墜落風險。

居民李女士指，大維修工程原定21個月完工，惟延期多時，有工人更透露被拖糧四個月，怒轟承建商無誠信，直言「咁我哋點信佢？」

指棚網經SGS及政府測試　法團主席：唔係你話假就假

面對居民的擔憂，穗禾苑法團主席梁寶玲回應時強調大維修所使用的棚網絕對合規格，並多次重申已經進行過測試，「我唔知出面啲人點講，我哋啲網一路有去做測試，政府部門有嚟拎棚網去測試，我哋自己亦有搵瑞士檢測公司SGS去做測試。如果我可以呃到咁多政府部門，或者證書係假嘅呢，歡迎嚟調查。還我哋一個公道、亦俾大家一個安心，唔係你講話假就假嘅！」

宏福苑承建商再陷假證書、欠薪風波

另外，《一線搜查》記者早前到炮台山的富嘉閣視察，屋苑的維修工程同樣由大埔宏福苑的承建商負責，當日他們在屋苑大堂張貼「測試報告」，顯示他們的棚網曾經由內地做測試，聲稱全部符合標準要求。然而細看蓋章，發現負責測試的是「濱州市檢驗測測中心」。而保安局局長鄧炳強已公開表示，當局無法聯絡該中心，所有電話均為空號。

至於同一個承建商負責的屯門怡樂花園情況更混亂，除了棚網問題，亦有欠薪問題，屋苑外圍被人掛上寫有「有汗出、冇糧出」橫額。有街坊更爆料有工人被拖糧四個月，有街坊希望政府盡快調查樓宇大維修情況，將問題撥亂反正。