車CAM片｜北角男童無視紅燈衝馬路　司機扭軚救一命　影片瘋傳惹網民激辯

【有線新聞】北角英皇道發生驚險意外，網上近日流傳一段車Cam影片，顯示有私家車駛至交通燈位時，突有一名男童無視紅燈衝出馬路，幸司機及時扭軚閃避，情景險象環生。影片發佈後隨即引發網民關注。

根據車Cam片段可見，事發時車主正駕駛車輛沿北角英皇道往北角方向行駛，駛至木星街交界的交通燈位時，前方行車道燈號顯示為綠燈。然而，正當車輛駛至行人過路線的瞬間，一名男童無視紅燈，從右側電車站快速衝出馬路。

幸車主反應極快，隨即向左扭軚避開衝出的男童，車上的一男一女亦被眼前情景嚇得發出驚呼聲。而影片亦在此時完結，未有進一步交代後續情況。

影片公開後迅速在網絡上引發熱議，留言區瞬間演變成兩派觀點的激烈論戰。不少網民為司機抱不平，批評家長未有盡照顧責任，「大把呢啲父母無拖住啲細佬，有事就話你哋啲人不是，完全無覺得自己有問題」、「真係出事死左，兇手係父母」，亦有網民憂慮司機的處境，直言「呢啲情況真係唔好扭軚，希望架車冇花啦。」。

不過，亦有部分網民指摘行車司機在行經行人過路處時未有適當減速，認為「經過行人過路設施，咁嘅車速，應該要收慢少少，但係片主你沒有」，更有網民直指「呢啲路揸咁快你趕住投胎咩」，以及「逢行人過路位都要收慢架啦！除非四面都好開揚，無嘢遮住視線就話啫」。

此外，不少網民坦言「你去到呢啲位永世都係揸慢過，就係驚有呢啲人衝出黎」、「你問我我係有障礙物嘅行人過路處會再慢啲，同一直留意障礙物後面，確保無人衝再行」、「小朋友係唔啱，但你又唔好旨意行人100%遵守交通規則，自己去到路口開得咁快，車唔死人你真係求神拜佛」。