康文署球場打排球遇怪盜 女生汗巾遭拎走5分鐘 「行咗出出面唔知做乜」
【有線新聞】打波向來最怕遇上球場小偷，最近就有網民於體育館練波期間，放下抹汗毛巾不久後，即被陌生男子取走「唔知做乜五分鐘」。事主其後透過社交平台分享經歷，有網民認出該男子長期在該體育館出現。
場館不大一眼睇晒 斷正後「施施然拎出嚟」
事主表示當日在粉嶺和興體育館，「其實得一個場，有人嚟都一眼睇晒」，她練習期間抹汗後將毛巾放在身後位置，前後不足5分鐘。當時眾人走到場中聽教練講解，一名中年男子隨即拿起自已的袋子，走到該處取走丈事主抹過汗的毛巾，再放入袋中，「然後行咗出出面唔知做乜五分鐘先返嚟」。
事主指對方的私人物品還留在觀眾席，「之後佢返嚟，我朋友問佢有冇拎咗我哋毛巾，佢先施施然起袋到拎出嚟」、「好彩我有隊友後尾有留意到佢拎住條疑似係我毛巾，同埋見到佢有行過過去先揭發到呢件事」、「圖二係佢一開始仲走去整個風扇，嗰陣我都未擺毛巾，所以佢係一定知條毛巾係我哋之後擺，仲要係見住我擺」。
行徑似扮職員降戒心 網民：九成偷影埋
女事主事後已將該毛巾丟棄，呼籲市民出外打波時多加留意附近是否有陌生人或可疑人士徘徊，若感不妥，應即時通知工作人員要求對方離開，以免類似事件再次發生。
「咁變態，要索你d汗」、「佢九成偷影埋你哋」，有網民直言男子「搞風扇係想扮職員，等你地放低對佢嘅戒心」，又建議「同晒全部康文署場地職員講，有變態X佬偷有汗毛巾」、「下次你哋可以叫清場，你哋租哂4個場係有權唔比其他人坐看台」」，更指認「呢個阿叔長期都係和興體育館嘅」。
