一線搜查｜17億元東岸板道未滿1年　地面表皮大面積剝落、裂開　市民：跑跑下成塊甩出嚟

造價近17億元的東岸板道啟用未滿一年，露天地面表皮已經多處大面積剝落、凹凸不平，市民跑步、踩單車險象環生。有區議員指，問題源於工藝失誤，工人在底油未乾時已經上漆，而颱風及雨水更加速問題暴露。

露天段地面表皮剝落　市民：可能物料唔好

位於東區走廊下的東岸板道全長約2.2公里，連接東岸公園主題區及北角海濱花園，自2025年1月啟用，貫徹海濱共享理念，原路設置不少戶外健身設施，成為不少市民休閒運動的熱門地點。惟近日有市民發現，東岸板道露天多處地面表皮嚴重剝落及裂開，凹凸不平，而有蓋位置的地面就較為完好。

現場有不少市民散步及跑步，有市民不滿指，「（地面表皮）好快已經甩出嚟，都好大塊，啲人喺度跑步，跑跑下成塊甩出嚟，可能會跌倒。」亦有市民猜測是物料質量差引起，「膠甩晒，有啲凹落去、有啲凸出嚟。因為有單車喺上面走，有少少危險。可能物料唔好，所以凸起咗。」

區議員：工藝失誤　底油未乾即上漆

東區區議員何毅淦就解釋，「得出嘅答案，政府都一再強調係因為工藝，底油未完全乾透之下，就油咗層面油上去，就導致嗰層面料冇咁牢固，出現比較大面積剝落情況。他指出，露天段情況較為嚴重，地面油漆大面積嚴重剝落，甚至部分留下坑洞，相信颱風及雨水令問題加速暴露，「因為經歷咗幾次強颱風、超強颱風，再加上可能是黑雨，令到問題加速浮上水面，大家知道了之後，政府就盡快處理。

何毅淦：「喺露天部分將會全數鏟起，重新再做過，過程中亦會使用一些濕度的探測儀，確保底料在一個合適的濕度的環境下，才會覆蓋層面料上去。而非露天段，就要因應實際情況，部分損壞地方會以區塊形式處理。」至於維修費用方面，他指出，目前東段仍在保修期內，出現問題自然是承建商負責。「我哋較早時間約見政府部門嘅時候都有提問一件事，就係而家呢刻仍喺保修期，但過咗一段時間後點算？不過，根據政府合約條款，假設係因為工藝問題而導致地面又再凸起嘅話，政府係有權追返相關承建商去維修。」

至於預期維修時間，何毅淦說，目前北角匯對出路段已經完成維修，強調會逐步修復，「政府俾我哋嘅目標係希望可以喺10月至11月全部完成。但假設突然之間成日落雨、有啲雨水期，相信可能會有啲延後都唔出奇，但目標都係今年內應該全部完成。」

78 HOY資訊台：《一線搜查》
播出日期：逢周一至五
播出時間：晚上8時77台首播、8時半78台重播
WhatsApp報料熱線：68960931
節目重溫請＜按此＞