一線搜查｜公院門診唔收現金？　市民呻不便：港紙係法定貨幣嚟　醫管局：按實際情況處理

電子支付越來越普及，很多地方甚至完全不收現金，但如果連政府醫院不都完全不收現金，會否欠缺彈性，令某些人帶來不便？

公院門診唔收現金？　市民投訴：冇可能話唔收

《一線搜查》接獲市民投訴，她指聯合醫院物理治療部覆診時，留意到醫院門診竟然不收現金。林女士指自己當時正在排隊付錢，有位女士因為交通意外導致行動不便，「她拿著拐杖，拿著100元去櫃檯那裡付錢，個職員就說不收現金、要收電子支付，女士就說八達通不夠錢。職員說要去對面另一座樓便利店增值，再過來交錢。」

她認為不能夠一刀切不收現金，因為用家多數是老人家及傷者，「港紙係法定貨幣嚟，有乜理由醫院都唔收呢？梗係冇可能話唔收港幣啦，我唔係畀張美金你，呢個係港紙，係香港認可銀行出嘅當地貨幣嚟㗎嘛。」她認為如果怕收錢有困難，可以不設找續，「叫患者自備輔幣，咁都仲可以接受」。最後林女士主動借出八達通幫對方，「見佢行得咁痛苦，我排喺龍尾、我唔抵得。」

市民批院方安排惹不便　醫管局：會按實際情況處理

林女士直言聯合醫院正在重建，要「繞過大圈」才可以找到商店增值，但之後又要撐拐杖返回物理治療部，「佢撐拐杖嚟登記已經需時，你仲要叫佢撐拐杖走去俾錢！」。《一線搜查》到聯合醫院了解過，記者實測由Q座物理治療部行去S座，需時約4至6分鐘，另外見到登記處旁邊有告示，指「本院各門診登記處只接受電子方式繳費，如需現金繳費請前往S座地下繳費處」，繳費處窗口亦有告示提醒市民要準備充足餘額的八達通，或用「HA GO」繳費。

有市民認為不方便「轉嚟轉去對老人家最唔好，根本就唔識玩呢啲野，咩H GO咩H，我哋真係唔識」、「起碼留返一個櫃檯，萬一八達通真係唔夠錢都可以交到」。有人亦認為「八達通最方便」。

醫管局表示為方便市民，近年積極在不同設施加入自助及電子支付服務，不過公立醫院和門診會繼續接受現金付款，即使標示為電子支付的櫃檯亦會按照實際情況處理現金付款。但同時會加強宣傳，鼓勵病人在未來的覆診轉用電子支付方式。

78 HOY資訊台：《一線搜查》
播出日期：逢周一至五
播出時間：晚上8時77台首播、8時半78台重播
WhatsApp報料熱線：68960931
節目重溫請＜按此＞