一線搜查｜五級火後首歸家　宏福苑居民瓦礫中盼尋回愛犬遺骨　婆婆豁達面對火災：過咗去、重新開始

大埔宏福苑五級大火發生至今接近五個月，受災最嚴重的宏新閣居民本周起可以分批返回單位執拾個人物品。雖然事隔多月，但現場依然瀰漫着刺鼻的燒焦味，災民在瓦礫與灰燼中尋找家當，每一件找回的舊物，都承載着沉重的人生回憶。

首輪上樓安排由損毀最嚴重的宏新閣開始，居民需先到廣福社區會堂登記，領取安全裝備，再由政府人員陪同進入屋苑，每戶只獲准停留三小時。

盼尋回愛犬遺骸　居民：可惜最後都係冇

居住在宏新閣七樓的黃先生，其單位在大火中損毀極為嚴重，牆壁燻黑脫落，傢俬電器盡毀。他坦言單位「燒到透，心情好複雜」，而今次重返舊居心繫的並非財物，而是相伴十載的愛犬，哪怕只能尋回遺骸。黃先生：「我本身上樓係搵狗仔，睇下有冇遺體殘骸，自己再挖掘一下，睇下會唔會有骨頭之類，但最後其實都冇嘅。」

他說，與父母在該單位生活了三十年，今次是對這個家的最後道別，「其實你問我，我會想喺度再留多陣，其實我好唔捨得，好想再留多陣。但始終嗰度空氣質素好差，有燒過嘅酸性刺鼻嘅味道，咁都冇喺度停留太耐。一個住咗咁耐嘅地方，見到咁其實好心酸。」

餘燼中的慰藉　居民尋回兒子照片

並非所有單位都完全焚毀，部分居民在廢墟中仍能尋獲心愛物品。鍾先生的單位損毀相對較輕，他成功救回了存有兒子成長照的電腦，以及一幅跟隨他多次搬家的畫作。

鍾先生拿起那幅完好無缺的畫時，語氣帶著慶幸：「仲有呢幅畫好完整，我搬咗幾次屋都一直跟住我，今次都保得住。」

居民提前觀察流程　含淚指：唯一可以做嘅嘢

周一是首日安排上樓的日子，不少居住在其他座數的居民特意前來觀察流程，為日後的上樓作準備，當中包括居住在20多樓的李先生。因大廈電梯沒法恢復，重返家園對李先生而言，是一場體力透支的硬仗。

李先生表示屆時自己需獨自上樓，擔心體力難以負擔，「我諗上樓最快都要四十分鐘，二十幾樓，你唔使唞呀？」講到激動之處，李先生更眼泛淚光：「因為我上樓時係冇任何物資，我想睇下可以搵到咩物資畀我23日上樓用，呢個係唯一可以做嘅嘢。我連去到社區會堂行近少少，佢（職員）都唔畀我去。」

婆婆豁達面對：過咗去就過咗去、重新出發

面對家園被毀，亦有居民選擇豁達面對。前來觀察流程的譚婆婆表示，希望盡快上樓取回物件，為這場慘劇畫上句號。譚婆婆：「唔使咁介懷咁記住，唔好啦，算啦，過咗去就過咗去啦，再重新再開始過啦。（即係上咗樓係會有重新出發咁樣嘅感覺？）係呀，咁過咗去啦，搞掂啦，咁咪再重新再出發。」