一線搜查｜馬鞍山驚現「露械男」　街坊爆料曾因自瀆被打　警列遊蕩罪拘61歲男

《一線搜查》近日接獲馬鞍山街坊L小姐報料，指區內鞍祿街公園出現一名「露械男」，連續兩周、在同一個公園都向迎面而來的女街坊「露出下體」。記者現場視察期間，直擊該名男子再次犯案，並上前與其當面對質。男子起初百般狡辯，最終竟自爆「有前科」。另有街坊更爆料，稱涉事「露械男」曾因沙灘自瀆被打。

衫遮下體若隱若現　於學生必經之路連續犯案

涉事的馬鞍山鞍祿街公園是連接區內主要地點的必經之路，附近更有三間中學，每天有大量小朋友及女學生出入。報料人L小姐（化名）表示，早前行經該處時迎面走來一名黑衫男子，赫然發現對方下體外露，令她當場嚇呆。起初她以為對方只是不小心，豈料連續兩個星期，她都在同一地點撞破該男子露出下體。

已有防備的L小姐隨即用手機拍下影片，「我遠處見到佢嘅時候，我就好似見到佢都係有凸咗出嚟嘅下體，咁我就攞個電話去影低佢。」由L小姐提供的片段可見，該名男子未有拉上褲鏈，在上衣遮擋下，行路時下體若隱若現。L小姐隨後將照片上傳至區內街坊群組，提醒街坊提防，並前往馬鞍山警署報案，要求警方加強巡邏。

記者現場直擊對質　男子辯稱：唔記得拉拉鏈

根據L小姐提供的線報，《一線搜查》記者翌日早上8時15分在現場守候，果不其然發現該名身穿黑衫、卡其褲的男子再次現身，若無其事地由新港城方向朝記者走近，下體依然外露，記者隨即上前與其正面對質。

面對記者指控其在公眾地方露出下體，該名男子顯得神色慌張，一邊拉上褲鏈將下體收回，一邊尷尬地辯稱自己只是「一時大意、忘記拉拉鏈」。不過，當記者直指已有大批街坊多次目擊其暴露行為，並質疑他是否每天都「不記得拉拉鏈」時，男子先是多番以「一場誤會」和「去完廁所忘記拉拉鏈」來推諉，又辯稱自己「完全沒有察覺下體外露」。

男子自爆曾被捕　街坊揭曾於沙灘自瀆被打

然而，在記者連番追問下，男子始承認自己並非第一次犯案，更自爆早在二十至三十年前，就曾因同樣的暴露行為被警方拘捕。涉事男子：「（記者：但你而家都仲係咁做呀？）而家唔係呀，或者係唔記得拉拉鏈，然後去到廁所返出嚟。（你係咪有啲咩唔舒服之類？精神有冇困擾？）冇冇。（點解要咁做？）或者我自己覺得冇乜嘢或唔記得拉。（咁樣會好涼㗎喎？）唔會呀，有衫遮住唔會呀。（即係你覺得有衫遮住就冇問題？）唔係冇問題。」

當被指責行為不雅時，男子連番稱「唔好意思」。涉事男子：「（記者：有街坊知道？）唔知喎。（有人知道㗎喇，見過你好多次㗎喇）係咩？唔好意思。（你而家確保你拉好？）拉好㗎喇，係喎，又拉到一半，唔好意思。」

「露械男」的相片在馬鞍山社交平台瘋傳後，引發熱烈討論，更有街坊認出該名男子，紛紛留言踢爆：「佢就係專登架，成日喺呢條單車徑度嚇啲少婦」、「我認得個衰人呀，之前喺燒烤場嗰度對住個沙灘自瀆，之後被人打呀」。

區內街坊接受《一線搜查》訪問時亦表示非常擔憂。譚女士：「唔知點解佢咁做，冇得解決㗎喎，唔敢同佢講嘢呀，點知佢出啲咩招數㗎。」陳先生：「反應係走開囉，以為佢係傻㗎，如果有咁樣做可能精神有啲問題。盡量避免啲細路，同埋呢度有好多學生，有啲女學生都會比較驚。」

性治療師：露體屬性騷擾　倡「不予理會」、安全情況下報警

資深性治療師及兩性關係顧問何慕詩指出，這類露體行為在法律與道德上切切實實就是「性騷擾」，屬於一種反社會人格的心理怪癖與上癮行為，「一定係某程度上得到一個快感㗎喇，但呢個快感究竟源於乜嘢呢？佢一定係想攞人哋嘅注意力。」

何慕詩形容，露體狂的快感源自「權力感」，「做過第一次，冇乜人理我或者冇人拉我、冇人捉我、冇人鬧我、冇人嘈喎，然後令到佢壯大咗個膽，然後（心理上）好得意，『其實我明知你哋睇到㗎喇，咁但係你哋又唔敢話我，咁我就得得戚戚，咁我咪越做越多。』咁其實呢一種僥倖之心繼續去做多啲，佢個膽越嚟越大。如果冇一個有阻嚇性嘅制裁，其實佢可能匿埋幾日囉，或者我幾日唔做囉。」

她又建議街坊如果在街上不幸遇到這類露體狂，最好的應對方法是「不要給予任何反應」，並在安全地方報警求助，「喺街見到嘅受害人，如果佢哋係冷靜嘅話，盡量唔好畀任何反應，因為你越係畀反應、佢就越得意，就越助長咗佢『我操控到你呢一種咁樣嘅心態』，你越驚我就越興奮，咁你要令到佢覺得你做呢啲嘢其實對我一啲都起唔到作用㗎，你算啦。」

警方跟進拘捕61歲男　涉嫌「遊蕩」

警方就事件回覆《一線搜查》查詢時證實，於5月26日接獲一名女子報案，指在鞍祿街公園發現一名男子懷疑作出不雅行為。警方經調查後，於5月28日在該公園內，以涉嫌「遊蕩」罪拘捕一名61歲男子，他現正被扣留調查。案件已交由沙田警區刑事調查隊第五隊跟進。警方重申，遊蕩屬於嚴重罪行，任何人如觸犯，最高刑罰可被判處監禁兩年。

HOY 78：《一線搜查》
播出日期：逢周一至五
播出時間：晚上8時HOY 77首播、8時半HOY 78重播
WhatsApp報料熱線：68960931
節目重溫請＜按此＞