有片｜清潔三人組疑「雨後擺拍」 目擊者揭求其捽交數 網民：慳返清潔劑環保
【有線新聞】去年深水埗南昌街才揭發有食環署外判清潔工「自貼自清」街招交數，當時已引發輿論熱議，雖然當事人以「補拍」工作過程解釋，但最終事件以外判商解僱兩名涉事工人、另外兩人被調職告終業界，最新再有市民在街頭目擊類似事件，惹來網民關注。
抹擦動作僅約五秒 「一滴水都唔使用」
「絕無監管清潔交通指示牌，一滴水都唔使用，只係影相交數，浪費香港市民好多金錢。」目擊者在社交平台上傳兩段影片（見文末），可見事發在旺角豉油街一帶，馬路及行人路都有水濕，應該是下雨過後拍攝。片中三名清潔工中由一人負責「揸鏡」，另兩人分別以清潔拖把及毛巾抹擦指示牌及柱身，但抹擦動作約只有五秒，而且都是同一位置，未有全面抹擦整塊指示牌。
「一個清潔工作要三個人做，仲要hea做，根本就冇清潔過。我係我屋企附近都見過咁清潔樓梯，每日係到上影」、「擺款影相一向都係㗎啦，最緊要張相影得清有功課交」、「用剩餘嘅雨水，環保」短片引起網民熱議，有網民表示「你投訴咪通知外判商跟進，判頭就覆會嚴格跟隨指引清潔，每一層都有監管，不過態度照舊」。
質疑制度有問題 「冇污漬仲要出動？」
另有網民直指是制度問題，「好多嘢兩睇，影得清個牌交到差，仲要清咩潔呢？係唔係夾硬浪費清潔劑？點解唔質疑高層評估出錯、路牌冇污漬仲要派人工作？即係其實你有個過去數據知道三星期定係三個月、三年先至污穢，點解宜家冇污漬仲要出動？」，亦有網民表示：「打气系列，辛苦了，滂沱大雨下工作噶请洁工」、「隻嗨手郁多2cm都工傷」。
去年二月發生的外判清潔工「自貼自清」擺拍事件，當時清潔服務業職工會介入後引述工友解釋，稱事件純屬誤會。工友表示公司要求必須在清理前、中、後拍照作證，因當日清理後忘記拍照，情急下才「補拍」紀錄，結果引起市民誤會而遭解僱。
