東鐵頭等遇女孩坐BB車　惡父：哪有問題　女事主質疑逃票「睇到眼冤」

【有線新聞】東鐵綫頭等車廂要付額外費用，間中也會有遊客「誤會」而逃票，有網民近日就分享一宗疑似「博大霧」事件，有內地夫婦一家四口搭乘頭等，但同行女生卻在嬰兒車內「扮瞓」，懷疑藉此買少張飛，引起網民熱議。

出聲籲泊輪椅位　男子：不要理她

女事主日前發貼指自己晚上收工，坐東鐵遇到有內地夫婦將BB車泊於通道中央，「勁kam車內瞓個目測7至10歲女，條裙勁短棟高腳瞓，成條唔知底褲定打底褲外露（我係女但都望到尷尬）」，女事主指有叫對方「唔好咁泊車，泊返去側邊傷殘位」，但男子卻阻止妻子，稱「不要理她！我每次都這樣放，哪有問題！你給我坐下！坐下！別弄！」

事主指全程遭男子「怒睥」，而對方手抱嬰兒亦狂嗌狂叫，其後「因為佢女條底褲對正我，我同個老母講，佢不停話無事，打底褲來，但我話你條打底咁短佢瞓到咁，底褲邊都露出啦……我叫你將架車泊埋係費事人人望到佢……你咁做人阿媽由佢畀人望？佢繼續話打底來沒問題。」事主指自己到站後即刻落車，「可悲喺左右隔籬全部扮睇唔到聽唔到，好多中落車明明被阻都唔出聲，有個阿伯行到唔穩寧願攝住過都唔出聲！呢種視而不見好可悲，香港愈來愈差就係因為咁」。

提醒走光堅稱沒問題　「成程車睇到眼冤」

有網民在留言稱「睇到笑左出黎，話佢16歲都唔過分，對鞋都係成人size。睇落個BB車應該係載夫婦手上個B？至於點解個大女瞓喺架BB車，唔另外搵位坐就真係神奇嘅」，事主就回應「應該係無畀頭等車費扮瞓BB車搏大懵」，又指「個女似係扮瞓，我留意到個老母成程不停隔住個罩同個女悄悄話」、「問題係呢對父母明呃頭等，叫個女坐BB車扮瞓，個女又棟高瞓，成條底褲定打定對住，成程車睇到眼冤。」

「訓bb車個唔止十歲囉，咁既打扮同對鞋咁大，14歲都有」、「睇對鞋都知個𡃁妹幾高大，條裙真係短喎」、「其實佢地真係覺得著裙比人睇到底褲都無問題？」不少網民都認同要出聲，但亦有網民指「BB車放大人旁邊係好正常，大女冇位坐，bb可以抱，讓個Bb車比大女坐都係好合理既事……放鬆啲啦香港人，咁小事唔洗公審人既」