一線搜查｜樓上暴雨式滲水　批水務署跟進如「三腳貓」　住戶：你要做埋佢秘書

單位滲水問題困擾不少人，北角就有戶主遇上罕見的「暴雨式」滲水，凌晨時份單位慘變「水舞間」，天花漏水誇張得有如落雨，嚇至即時致電樓上鄰居要求立刻停水。

這宗嚴重滲水事故發生於8月29日凌晨，住戶Amy向《一線搜查》表示在單位已居住超過四年，雖然屋內一直存在滲水問題，但近數月情況急速轉差。滲水範圍主要集中在客廳及廁所的天花與牆身，牆身濕透更波及電掣，一度導致全屋停電，「初初啲桶就係擺喺度，呢個門框新換咗，因為舊嗰個淋咗，跌咗落嚟」。現場可見牆壁濕透、灰泥剝落，連新安裝的熱水爐也因滴水受影響。

當日凌晨約一時，Amy正在睡覺時突然聽到「砰」一聲，天花板開始大量漏水，單位瞬間如「水舞間」，誇張得很。她即時致電樓上住戶：「我就叫佢停水啊，我話我唔知你係鹹水定淡水，我好恐怖啊」。樓上住戶其後聲稱當晚忘記關掉花灑水喉。

Amy早前已向滲水辦投訴，滲水辦初步懷疑源頭為樓上單位的供水管，並將個案轉介水務署跟進。根據《水務設施條例》，水務署接獲轉介後可調查單位是否存在嚴重漏水；若證實屬實，可向相關用戶發出修理通知書。若用戶不遵從，水務署有權截水，直至完成修葺為止。

據了解，相關部門早於8月19日發信予樓上住戶，要求於8月25日前處理，然而水務署並未截斷樓上供水，結果29日凌晨發生嚴重漏水，「如果26號嚟，27號嚟，冇做到嘢，你拆佢水錶，我間屋唔使淋到濕曬」。

Amy需自行通知水務署，翌日早上職員才上門檢查，而水務署職員到場後就表示「冇即時危險」，更令Amy大感不滿，「梗係冇啦，我通知咗樓上，熄咗水嘛。」，直指對方只會「三腳貓功夫」，未能妥善確認問題。

《一線搜查》上門當日，水務署職員亦通知Amy會檢查樓上修葺進度。約早上九時，樓上傳出裝修聲音，漏水情況其後逐漸停止。Amy直言若想政府部門做得足，自己必須主動跟進，詳細記錄每次對話日期、時間及內容，才能逼使有關部門行動：「你要做佢個秘書，打完呢個，打嗰個……次次再冇人打電話俾我啦，我就打電話去，講明我幾月幾日、幾個點鐘我都寫住㗎，我同你講過你哋有電話錄音㗎嘛！」

HOY 78：《一線搜查》
播出日期：逢周一至五
播出時間：晚上8時HOY 77首播、8時半HOY 78重播
WhatsApp報料熱線：68960931
節目重溫請＜按此＞