一線搜查｜連租約買日本樓現爭拗　業主質疑仲介維修亂報價　樓上滲水賠償「零紀錄」　

不少港人都會選擇在外國買樓投資，除了收租、看中升值潛力，亦希望將來退休可以移居，但「隔山買牛」難免有風險。有《一線搜查》觀眾就在日本福岡購入400呎單位收租，負責管理的仲介公司第二年卻接連聲稱多件設備需要更換，並拒絕向業主提供多個報價，只重申「已經搵咗最平」，但業主家人自行處理卻發現慳兩成。業主投訴仲介服務與承諾有出入，但對方找來律師強調「若有誹謗中傷將會提告」，最終可能要「越洋」對簿公堂。

仲介報價兩萬元換熱水爐　交通費要三千蚊？

林小姐2023年9月在福岡博多以64萬港元購入450呎單位，單位連租約買入，現時每月收租$3,700港元（約7萬日圓），由仲介公司管理及收租，租金百分之五作為佣金。業主本身打算過多幾年後自住，直至買樓約一年後、即去年11月接到仲介通知，指煮食爐爆玻璃、大門門鎖損壞，報價$8,700港元（約17萬日圓）。

林小姐覺得維修是業主責任，沒有過問太多，但三個月後仲介再表示熱水爐無法使用，而且不能維修，要更換整個爐，報價$21,000港元（約40萬日圓）。林小姐覺得不合理，「一嚟就話一定要換，冇方法整，叫你搵多幾間公司報價又唔肯、話要收錢。」對方強調熱水爐是已停產的舊款，聲稱「我哋都管理緊幾百個單位點會唔知，呢啲情況都會搵幾個師傅去睇，已經搵咗最平嘅報價畀你 」。

不過，林小姐見到報價表有項高達$3,100港元（約6萬日圓）的交通費，但在工程公司報價單卻顯示為「交換工事費」，即「拆除舊機及安裝新機費用」。由於覺得報價有問題，林小姐就找家人處理，最後換爐花費約$16,800港元（約32萬日圓），較仲介報價平兩成。

業主批交代不清　仲介委律師：倘誹謗將提告

林小姐批評仲介常常交代不清，以煮食爐為例，「我想搵同型號睇幾錢、甚至保養，先知買一個爐係可以加購3、5、10年保養，但對方沒有提及，僅稱所付金額只包一年保養，到我要拎單睇，佢又遮住個銀碼影比我睇，又話係維修公司買產品返嚟，遮住個銀碼係應該」。

面對林小姐多番質疑，仲介公司主動提出解約，稱「對質疑與指控深感遺憾，鑑於你的立場及決定，我們將正式進入解除管理委託的程序」。本來約好時間交收文件及印章，交收前兩日仲介卻稱已轉交律師跟進，要求業主與律師接洽。林小姐指對方律師不斷強調仲介並無違法，並且在委任權限範圍內，如今後對公司有任何誹謗中傷行為，將會提出索償及刑事起訴。

批仲介服務承諾有出入　樓上單位滲水業主全不知

林小姐取回樓宇文件及紀錄後發現，部分資料從未曾見過及不知情，並認為仲介服務與當初承諾時有很大出入，包括買樓後單位曾經有滲水問題，涉事樓上單位已經賠錢，但賠償金額卻未有紀錄。她再細看賃貸管理契約，亦發現仲介未有代報所得稅，追問仲介卻反指需要加錢。林小姐在當地無銀行戶口、言語不通，處理租務問題相當麻煩，解約後續存在未知數。

涉事仲介公司負責人、移日港人陳小姐回覆《一線搜查》，稱已交由律師處理，又批評業主好有問題，著記者留低問題，想清楚後再作交代，「由大家去評吓究竟係邊一方有問題」。不過，仲介律師其後透過電郵回覆，強調事件正在處理，沒法一一解答疑問，又聲言「並非單純管理契約爭議」，稱有多項足以釐清事實真相、與該業主主張不符的客觀資料。

78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞