亞冠精英聯賽｜墨爾本2比0贏柔佛DT　町田澤維亞3比1擊敗FC江原

【有線新聞】亞冠精英聯賽，墨爾本城主場兩球淨勝柔佛DT。
藍衫墨爾本城角球攻勢，卡佩圖頂入，3分鐘領先，古恩撞一撞對方門將，間接幫手「開路」。兩隊賽前亞冠兩連勝，各有入球機會，貝治臣射高，把握力不相伯仲，拉文尼「窩利」射失，同樣不中目標。換邊後，柔佛的莊拿芬施華這球勁射接近，過不到柏德列比治。80分鐘這次更接近，只是離門幾碼，查路錯失黃金機會，早半拍落地，右腳炒高下中楣。大家都中楣，結果相差甚遠，一邊中楣彈出，美密迪中楣底彈入，補時為墨爾本城 「埋齋」贏2比0，亞冠三連勝。
白衫町田澤維亞作客3比1擊敗FC江原，仙頭啓矢24分鐘頂入空門，4分鐘後又一球，下田北斗罰球直接彎入。3日前天皇盃決賽3比1擊沉神戶勝利船，今場都入3球，仙頭啓矢偷截助攻，吳世勳輕鬆射入，39分鐘3比0。換邊後被朴昊永頂入追近，町田都贏3比1。